ഒടിടിയില് ചിത്രം എത്തി ഒരു ദിവസം പിന്നിടുന്നതിനുള്ളില് 'മ്യൂസിക്കല് ചെയര്' വ്യാജന് എത്തി
മലയാളത്തില് നിന്നും ഒടിടിയില് റിലീസ് ചെയ്ത രണ്ടാമത്തെ ചിത്രമാണ് 'മ്യൂസിക്കല് ചെയര്'. മെയിന്സ്ട്രീം ടിവി ആപ്പ് എന്ന ഒടിടി പ്ലാറ്റ്ഫോം വഴി ജൂലൈ അഞ്ചിനാണ് ചിത്രം റിലീസ് ചെയ്തത്. ഒടിടിയില് ചിത്രം എത്തി ഒരു ദിവസം പിന്നിടുന്നതിനുള്ളില് ചിത്രത്തിന്റെ വ്യാജപതിപ്പ് നവമാധ്യമങ്ങളിലൂടെ പ്രചരിച്ചുതുടങ്ങി. സിനിമയുടെ വ്യാജപതിപ്പ് നവമാധ്യമങ്ങളില് അപ്ലോഡ് ചെയ്തതുമായി ബന്ധപ്പെട്ട കേസ് കേരളാ പൊലീസിന്റെ സൈബര്ഡോമും ഹൈടെക് ക്രൈം എന്ക്വയറി സെല്ലും അന്വേഷിക്കും. ചിത്രം എല്ലാ നവമാധ്യമങ്ങളില് നിന്നും നീക്കം ചെയ്യാനും സംഭവത്തിനു പിന്നില് പ്രവര്ത്തിച്ചവര്ക്കെതിരെ നിയമനടപടി സ്വീകരിക്കാനും സംസ്ഥാന പൊലീസ് മേധാവി ലോക്നാഥ് ബെഹ്റ നിര്ദ്ദേശിച്ചു. ചിത്രത്തിന്റെ വ്യാജപതിപ്പ് ടെലിഗ്രാം, വാട്സ് ആപ്, യുട്യൂബ് എന്നിവിടങ്ങളിലൂടെയാണ് പ്രചരിച്ചത് . വ്യാജപതിപ്പ് ഷെയര് ചെയ്തവര്ക്കെതിരേയും ക്രിമിനല് നടപടി സ്വീകരിക്കും എന്നും പൊലീസ് അറിയിച്ചു. ഐടി ആക്ട് പ്രകാരം കേസ് രജിസ്റ്റര് ചെയ്ത് അന്വേഷണം തുടങ്ങി. ചിത്രത്തിന്റെ നിര്മാതാവായ അലന് രാജന് മാത്യു സംസ്ഥാന പൊലീസ് മേധാവിക്ക് നല്കിയ പരാതിയെത്തുടര്ന്നാണ് നടപടി. മലയാളത്തില് നിന്നുമുള്ള ആദ്യ ഒടിടി റിലീസായ സൂഫിയും സുജാതയുടെയും വ്യാജപ്പതിപ്പും സിനിമ റിലീസ് ചെയ്തതിന് പിന്നാലെ പ്രചരിച്ചിരിച്ചിരുന്നു. രാത്രിയില് സിനിമ ഒ ടി ടിയില് റിലീസ് ചെയ്തു. പുലര്ന്നപ്പോള് സിനിമയുടെ വ്യാജ പതിപ്പ് പ്രചരിപ്പിക്കപ്പെട്ടത്.
https://www.facebook.com/Malayalivartha