ജീജ സുരേന്ദ്രന് നടത്തിയ പരാമര്ശങ്ങള്ക്കെതിരെ നടന് ആദിത്യന് ജയന് രംഗത്ത്
ടിവി-സിനിമാ താരം അമ്പിളിയെ കുറിച്ച് ഓണ്ലൈന് ചാനലില് ജീജ സുരേന്ദ്രന് നടത്തിയ പരാമര്ശങ്ങള്ക്കെതിരെ നടന് ആദിത്യന് ജയന് രംഗത്ത്. അമ്പിളിയും ആദിത്യനും ആദ്യ വിവാഹത്തിന് മുമ്പേ പ്രണയത്തിലായിരുന്നെന്നും അമ്പിളിയുടെ ആദ്യ ബന്ധത്തിലെ മകന് അപ്പുവിനോട് ആദിത്യന് കാണിക്കുന്ന സ്നേഹത്തില് വിശ്വാസമായിട്ടില്ല എന്നുമായിരുന്നു ജീജ പറഞ്ഞത്. ഇതിനെതിരെ രൂക്ഷ പ്രതികരണമാണ് സമൂഹമാധ്യമത്തിലൂടെ ആദിത്യന് നടത്തിയത്.
ജീജയുടെ പ്രധാന തൊഴില് കൂടെ ജോലി ചെയ്യുന്ന പെണ്കുട്ടികളെ കുറിച്ച് കുറ്റം പറയുന്നതാണെന്നും കുറച്ച് ദിവസം മുമ്പ് മേഘ്ന വിന്സെന്റിനെ കുറിച്ചായിരുന്നു ജീജ സുരേന്ദ്രന് കുറ്റം പറഞ്ഞുനടന്നതെന്നും ആദിത്യന്. സ്വന്തം കുഞ്ഞിനും മുകളിലാണ് അപ്പുവിനെ കാണുന്നത്. അത് ആരേയും ബോധിപ്പിക്കേണ്ട കാര്യമില്ല. ജനിപ്പിച്ച ആളോട് ചോദിച്ചാല് അയാള് പോലും കുറ്റം പറയില്ലെന്നും ആദിത്യന് കുറിച്ചു.
അമ്പിളിയോടൊപ്പം സ്നേഹത്തൂവല് സീരിയലില് അഭിനയിക്കുമ്പോള് അമ്പിളിയെ ഇഷ്ടമായിരുന്നു. എന്നാല് അത് അമ്പിളിയോട് പറയുകയോ പുറകെ നടക്കുകയോ ചെയ്തിട്ടില്ല. അന്ന് പ്രണയത്തിലായിരുന്നു എന്ന് ആ സീരിയയിലെ മറ്റാരെങ്കിലും പറഞ്ഞാല് ജീജയോട് പരസ്യമായി മാപ്പു പറയാന് തയാറാണെന്നും ആദിത്യന് വ്യക്തമാക്കി. സ്വസ്ഥമായി ജീവിക്കാന് ബുദ്ധിമുട്ടുണ്ടാക്കരുതെന്നും ഇനിയും ജീവിതത്തില് അനാവശ്യമായി ഇടപെട്ടാല് അത് ജീജയ്ക്ക് ദോഷം ചെയ്യുമെന്നും ആദിത്യന് താക്കീത് ചെയ്യുന്നുണ്ട്.
സംഘടനയിലും ലൊക്കേഷനിലും നുണ പറഞ്ഞ് ജീജ തന്റെ ജീവിതം നശിപ്പിച്ചെന്നും ഇനി കുടുംബം കൂടി നശിപ്പിക്കുകയാണ് ലക്ഷ്യമെന്നും ആദിത്യന് ആരോപിക്കുന്നു. അമ്പിളിയെയും മക്കളെയും തൊട്ടുള്ള കളി ഇനി വേണ്ടെന്ന മുന്നറിയിപ്പും കുറിപ്പിലുണ്ട്.
https://www.facebook.com/Malayalivartha