തെന്നിന്ത്യയില്‍ ഏറെ ചര്‍ച്ച ചെയ്ത റിയാലിറ്റി ഷോയാണ് ആര്യയ്ക്ക് പരിണയം. ആര്യ അതിലെ ഒരു പെണ്‍കുട്ടിയെ വിവാഹം കഴിക്കുമെന്നാണ് പറഞ്ഞിരുന്നത്. എന്നാല്‍ ആര്യ ആരേയും വിവാഹം കഴിക്കാതെ പെണ്‍കുട്ടികളെ കണ്ണീര് കുടിപ്പിച്ചു. ചിലര്‍ ഇതിനെതിരെ പരസ്യമായി രംഗത്തെത്തുകയും ചെയ്തു.

സംഭവം ഇങ്ങനെയിരിക്കെ മറ്റൊരു കേസില്‍ ആര്യയ്ക്ക് അറസ്റ്റ് വാറണ്ട്. കോടതിയില്‍ ഹാജരാകാന്‍ ഉത്തരവിട്ടപ്പോളെല്ലാം വകവയ്ക്കാതെ എത്താതിരുന്നതിന് ആര്യയ്ക്കും സംവിധായകന്‍ ബാലയ്ക്കുമെതിരെ അറസ്റ്റ് വാറണ്ട്. തിരുനല്‍വേണിയിലെ ഡിസ്ട്രിക്റ്റ് കോടതിയാണ് ഉത്തരവിട്ടിരിക്കുന്നത്.2012ല്‍ തീയേറ്ററുകളിലെത്തിയ അവന്‍ ഇവന്‍ എന്ന സിനിമയുമായി ബന്ധപ്പെട്ട കേസിലാണ് ഇരുവര്‍ക്കുമെതിരെ നടപടിയുണ്ടായിരിക്കുന്നത്.

അവന്‍ ഇവനില്‍ സിങ്കമ്ബട്ടി സമീന്ദാര്‍ തീര്‍ത്ഥപതി രാജയെയും സൊരിമുത്തു അയ്യനാര്‍ കോവിലിനേയും മോശമായിട്ടാണ് ചിത്രീകരിച്ചത് എന്ന ചൂണ്ടിക്കാട്ടി തീര്‍ത്ഥപതി രാജയുടെ മകന്‍ ശങ്കര്‍ ആത്മജന്‍ അമ്ബായിയാണ് പൊലീസില്‍ പരാതി നല്‍കിയിരുന്നത്.കേസുമായി ബന്ധപ്പെട്ട് കോടതിയിലേക്ക് വിളിക്കുമ്‌ബോള്‍ ആര്യയും ബാലയും ഹാജരാകാന്‍ തുടര്‍ച്ചയായി വിസമ്മതിച്ചു. ഇതേതുടര്‍ന്നാണ് തിരുനെല്‍വേലി ജില്ലാക്കോടതി ഇരുവര്‍ക്കുമെതിരെ അറസ്റ്റ് വാറണ്ട് പുറപ്പെടുവിച്ചത്.

തമിഴ് സിനിമയിലെ തന്നെ ഏറ്റവും മികച്ച സംവിധായകരിലൊരാളാണ് ബാല. പിതാമകന്‍, സേതു, നന്ത തുടങ്ങിയ ചിത്രങ്ങളിലൂടെ ശ്രദ്ധേയനായ് ബാലയുടെ അവസാനം പുറത്തിറങ്ങിയ ചിത്രമാണ് 'നാച്ചിയാര്‍'. ആര്യ വിശാല്‍ എന്നിയവരെ കേന്ദ്ര കഥാപാത്രങ്ങളാക്കി ബാല സംവിധാനം ചെയ്ത ചിത്രമായിരുന്നു 'അവന്‍ ഇവന്‍'. ഇരുവരുടെ പ്രകടത്തിന് ധാരാളം പ്രശംസകളും ലഭിച്ചിരുന്നു

വൈകാതെ തന്നെ ആര്യയും സംവിധായകന്‍ ബാലയെയും അറസ്റ്റ് ചെയ്യുമെന്നാണ് പുറത്ത് വരുന്ന റിപ്പോര്‍ട്ടുകള്‍ സൂചിപ്പിക്കുന്നത്. കോടതിയില്‍ അടുത്ത ഹിയറിങ് വെച്ചിരിക്കുന്നത് ജൂലൈ 13നാണ്.