അടുത്ത കാലത്തായി ജയറാമിന്റെ മിക്ക സിനിമകളും നിര്‍മിച്ചത് ആന്റോ ജോസഫായിരുന്നു. എന്നാല്‍ ആ ചിത്രങ്ങളെല്ലാം സാമ്പത്തിക വിജയം നേടാത്തത് കൊണ്ട് ആന്റോ ജയറാമിനെ കൈ വെടിഞ്ഞു. ജയറാമിനെ നായകനാക്കി ലണ്ടനില്‍ ഷൂട്ട് ചെയ്യാന്‍ ഒരു ചിത്രം പ്ലാന്‍ ചെയ്തിരുന്നു. യാതൊരു മാര്‍ക്കറ്റുമില്ലാത്ത ജയറാമിനെ വെച്ച് സിനിമ ചെയ്യരുതെന്ന് ഇന്‍ഡസ്ട്രിയിലുള്ള പലരും ആന്റോയെ നേരിട്ട് വിളിച്ചറിയിച്ചു. ഇതോടെ ആന്റോ ആശയക്കുഴപ്പത്തിലായി. കഴിഞ്ഞ വര്‍ഷം ഭാസ്‌ക്കര്‍ ദ റാസ്‌ക്കല്‍ മാത്രമാണ് ആന്റോയ്ക്ക് ലാഭം കിട്ടിയ ചിത്രം.

പുതിയ സംവിധായകര്‍ക്കൊന്നും ജയറാമിനെ നായകനാക്കാന്‍ താല്‍പര്യമില്ല. പഴയ സംവിധായകരാവട്ടെ ജയറാമിന് പറ്റുന്ന വേഷം കണ്ടെത്താനുള്ള ബുദ്ധിമുട്ടിലുമാണ്. 50 കഴിഞ്ഞ ജയറാമിനെ വെച്ച് എന്ത് കഥ പറയും എന്ന ആശയക്കുഴപ്പവും ഇവര്‍ക്കുണ്ട്. കണ്ണന്‍ താമരക്കുളത്തെ പോലുള്ള സീരിയല്‍ സംവിധായകര്‍ക്ക് സിനിമയിലേക്കുള്ള വാതില്‍ എന്ന നിലയിലാണ് ജയറാമിനെ നായകനാക്കുന്നത്. എങ്ങനെയെങ്കിലും ഹിറ്റുണ്ടായാല്‍ അവരെ തേടി മറ്റ് താരങ്ങള്‍ വരും.

ഉല്‍സാഹക്കമ്മിറ്റി, തിങ്കള്‍ മുതല്‍ വെള്ളി വരെ, ഭാര്യ അത്ര പോരാ, കാണാക്കണ്‍മണി തുടങ്ങിയ ചിത്രങ്ങളാണ് ആന്റോ ജയറാമിനെ നായകനാക്കി നിര്‍മിച്ചത്. ഇക്കൊല്ലം പാവാടയുടെ വിതരണത്തിലൂടെ കുറച്ച് സാമ്പത്തിക ലാഭം നേടി. ഇതെല്ലാം മനസിലാക്കി പുതിയ ആളുകളെ വെച്ച് സിനിമ എടുക്കാനുള്ള ഒരുക്കത്തിലാണ് ആന്റോ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha