കഴിഞ്ഞ ദിവസം നടന്ന പ്രമുഖ ചാനലിന്റെ ഫിലിം അവാര്‍ നിശയില്‍ പങ്കെടുത്ത നവ്യാ നായര്‍ ഓവര്‍ മേക്കപ്പിട്ടതിന് ക്ഷമാപണം നടത്തി. അവാര്‍ഡ് നിശ ഇന്നലെയാണ് ടിവിയില്‍ സംപ്രേഷണം ചെയ്തത്. നിശയില്‍ നവ്യനായരുടെ ഡാന്‍സ് ശ്രദ്ധ പിടിച്ചുപറ്റി. ഡാന്‍സ് കൊണ്ട് മാത്രമല്ല മേക്ക്അപ്പ് കൂടി കണക്കിലെടുത്താണ് ഇത്. നിരവധി ട്രോളുകളാണ് നവ്യയുടെ മേക്ക്അപ്പിന് സോഷ്യല്‍ മീഡിയയില്‍ പ്രചരിച്ച് കൊണ്ടിരിക്കുന്നത്.

നവ്യയുടെ മുഖത്തെ കൂടിയ അളവിലുള്ള മേക്കപ്പിനെ ചതിക്കാത്ത ചന്തു എന്ന സിനിമയിലെ സലിംകുമാറിന്റെ കഥാപാത്രവുമായി താരതമ്യം ചെയ്തും ഏഷ്യന്‍ പെയിന്റ്‌സ് സ്‌പോണ്‍സര്‍ ആയിരുന്നതിനാലാണ് എന്ന രീതിയിലുമൊക്കെ സോഷ്യല്‍ മീഡിയയില്‍ ട്രോളുകള്‍ നിറഞ്ഞു. തുടര്‍ന്ന് ഫേസ്ബുക്കിലൂടെയാണ് നവ്യ ക്ഷമാപണം നടത്തിയത്.

അവാര്‍ഡ് നിശയിലെ മേക്കപ്പിനെ ചൊല്ലി നിരവധി പേഴ്‌സണല്‍ മെസേജുകള്‍ കിട്ടി. മേക്കപ്പ് കൂടുതലായിരുന്നു. തന്നെ ഇഷ്ടപ്പെടുന്നവരെ ഇത് വിഷമത്തിലാക്കിയെന്ന് മനസ്സിലാക്കുന്നു. തെറ്റ് തെറ്റ് തന്നെയാണെന്നും അടുത്ത തവണ ശരിയാക്കാം എന്നേ പറയാനാകൂ എന്നും മേക്ക് അപ്പ് ആര്‍ട്ടിസ്റ്റിനെ ആരും കുറ്റപ്പെടുത്തരുതെന്നും നവ്യ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha