ഈ താരങ്ങള്‍ എപ്പോള്‍ എങ്ങനെ പ്രതികരിക്കുമെന്നറിയില്ല. എന്നാല്‍ ഇതേ അവസ്ഥ താരത്തിന് തന്നെ വന്നാലോ? മമ്മൂട്ടിയുടെ അടുത്ത സുഹൃത്തുക്കളില്‍ ഒരാളും തെന്നിന്ത്യന്‍ നായിക നയന്‍സിനായിരുന്നു ഈ അനുഭവം.
ഫിലിംഫെയര്‍ അവാര്‍ഡ്ദാന പുരസ്‌ക്കാരത്തിനിടേയാണ് രസകരമായ സംഭവം ഉണ്ടായത്. പരിപാടി തുടങ്ങിക്കഴിഞ്ഞ് വേദിയിലേക്ക് വന്ന നയന്‍സ് മുന്‍നിരയില്‍ ഉണ്ടായിരുന്ന മമ്മൂട്ടിക്ക് ഹസ്തദാനം നല്‍കാനായി മുന്നില്‍ വന്നു. ആദ്യം മമ്മൂട്ടി കണ്ടഭാവം നടിക്കാതിരുന്നതോടെ നയസ് വിളറി വെളുത്തു. കുറച്ച് കഴിഞ്ഞ് തികഞ്ഞ ഗൗരവത്തോടെ തന്നെ നയന്‍സിനെ നോക്കി മമ്മൂട്ടി കൈകള്‍ കൂപ്പി കാട്ടി. എന്നാല്‍ നയന്‍സ് ചമ്മല്‍ മാറ്റി അതേ നിലയില്‍ കുറേ നേരം നിന്നു. ഇത് കണ്ട മറ്റ് താരങ്ങള്‍ ചിരിച്ചതോടെ മമ്മൂട്ടി കൈ കൊടുത്തു. അപ്പോഴും ഗൗരവത്തില്‍ തന്നെ. എന്നാല്‍ പെട്ടന്ന് മമ്മൂട്ടി ചിരിച്ചതോടെ രംഗം ശാന്തമായി.
മമ്മൂട്ടിയുടെ തൊട്ടടുത്തായി യുവനടന്‍ നിവിന്‍ പോളിയും ഓസ്‌ക്കര്‍ ജേതാവ് റസൂല്‍ പൂക്കുട്ടിയും ഇരിപ്പുണ്ടായിരുന്നു. ഇവര്‍ ഈ തമാശകളെല്ലാം ആസ്വദിക്കുകയായിരുന്നു.
നാലു സിനിമകളിലേ ഒന്നിച്ചഭിനയിച്ചിട്ടുള്ളെങ്കിലും ഈ കാലയളവില്‍ മമ്മൂട്ടിയിലെ സൗഹാര്‍ദ്ദവും മനുഷ്യത്വവും വേണ്ടുവോളം മനസ്സിലാക്കിയിട്ടുള്ളയാളാണ് നയന്‍സ്. അതുകൊണ്ട് തന്നെയാണ് മമ്മൂട്ടിയുടെ ഷേക്ക് ഹാന്റിന് വേണ്ടി കാത്തുനിന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha