മീരയുടെ മാറ്റം കണ്ട് സിനിമാക്കാര് അമ്പരന്നു... അഹങ്കാരിയെന്ന പേരുദോഷം ഏറെ കേള്പ്പിച്ച നടിയുടെ മാറ്റം
മലയാളികള് ഏറെ ഇഷ്ടപ്പെടുന്ന നടിയാണ് മീര ജാസ്മിന്. അതേസമയം സിനിമാക്കാരില് നിന്നും അഹങ്കാരിയെന്ന് ഏറെ പേരുദോഷം കേള്പ്പിച്ച നടി കൂടിയാണ് മീരാജാസ്മിന്. മോഹന്ലാലിനെപ്പോലും സെറ്റില് വെയ്റ്റ് ചെയ്യിപ്പിച്ചിരുത്തി.
അഹങ്കാരിയായെന്നും സംവിധായകരെ അനുസരിക്കുന്നില്ലെന്നുമെല്ലാം പരാതികള് കേട്ട മീരാജാസ്മിന് ഇപ്പോഴൊരു മാലാഖയെപ്പോലെയാണ്. പത്തുകല്പനകള് എന്ന പുതിയ ചിത്രത്തിന്റെ സെറ്റില് നടിയുടെ പെരുമാറ്റംകണ്ട് എല്ലാവരും അന്തംവിട്ടിരിക്കുകയാണ്.
മുമ്പ് സംവിധായകന് കമല്തന്നെ കുറ്റപ്പെടുത്തിയതോടെയാണ് മീരാജാസ്മിന് അഹങ്കാരിയാണെന്ന പ്രചാരണം സിനിമാലോകത്ത് സജീവമായത്. അതോടെ മലയാളത്തില് മീരയ്ക്ക് സിനിമകളും കുറഞ്ഞു. വെറുതെ വയ്യാവേലി വലിച്ചു വയ്ക്കേണ്ടെന്നു കരുതി മീരയ്ക്ക ആരും വേഷങ്ങള് നല്കാതായി. എങ്കിലും നല്ല അഭിനേത്രിയെന്ന മേന്മയില് ചില ചിത്രങ്ങള് മീരയെ തേടിവന്നു. പക്ഷേ, അവ സാമ്പത്തിക നേട്ടമുണ്ടാക്കാതിരുന്നതോടെ നിര്മ്മാതാക്കളും മീരയെ വേണ്ടെന്ന നിലയിലേക്കെത്തി. അതോടെ ഔട്ടായ മീര വിവാഹിതയുമായി. ഇപ്പോള് ഒന്നര വര്ഷക്കാലം സിനിമാരംഗത്തുനിന്ന് വിട്ടുനിന്നതോടെ മീര ഇനി അഭിനയിക്കാനില്ലെന്ന മട്ടിലും പ്രചരണങ്ങളുണ്ടായി.
എല്ലാ ഊഹാപോഹങ്ങള്ക്കും വിരാമമിട്ടാണ് നടി ഇപ്പോള് പത്തുകല്പനകളില് പുതിയവേഷവുമായി തിരിച്ചുവരവ് നടത്തുന്നത്. നടിക്ക് വലിയ മാറ്റമുണ്ടെന്നും അഹങ്കാരത്തിന്റെ കണികപോലും ഇല്ലാത്ത പുതിയ നടിയാണ് മീരയെന്നുമാണ് സെറ്റിലെ പ്രധാന സംസാരവിഷയം. മീരതന്നെ ഇക്കാര്യം തുറന്നുപറയുകയും ചെയ്തു. ഞാന് പുതിയ മീരാ ജാസ്മിനാണ്. പഴയതെല്ലാം മറന്ന് നിങ്ങള് എന്നെ സ്വീകരിക്കണം.
മീരാ ജാസ്മിന് പൊലീസ് വേഷത്തിലെത്തുന്ന സിനിമയാണ് പത്തുകല്പ്പനകള്. എഡിറ്റര് ഡോണ് മാക്സിന്റെ ആദ്യ സംവിധായക സംരംഭമായ ചിത്രത്തിന്റെ തിരക്കഥയും ഒരുക്കിയത് ഡോണ് മാക്സ് തന്നെ. കരിയറില് ആദ്യമായാണ് മീര പൊലീസ് വേഷത്തിലെത്തുന്നത്. അനൂപ് മേനോനും മുരളി ഗോപിയും ചിത്രത്തില് പ്രധാന വേഷത്തിലുണ്ട്. കൂടെ കനിഹയും. നീണ്ട ഒരു ഇടവേളയ്ക്കുശേഷമാണ് നായികയായി മീര തിരികെ എത്തുന്നത്. അതിനാല് മീരയ്ക്ക് പത്തു കല്പനകള് നിര്ണായകവുമാണ്.
മീരയുടെ ഉയരമാണ് ഈ ചിത്രത്തിലേക്ക് മീരയെ തെരഞ്ഞെടുക്കാന് കാരണമെന്ന് ഡോണ് മാക്സ് അഭിപ്രായപ്പെട്ടിരുന്നു. മീരയ്ക്ക് ഒരു രണ്ടാം വരവ് ഉണ്ടാകുമോയെന്നതിന് ഒരു ഉത്തരംകൂടിയാകും പത്തുകല്പനകള്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
