കാജല് അഗര്വാളിന് മമ്മൂട്ടിയേം മോഹന്ലാലിനേം വേണം
തെന്നിന്ത്യയിലെ യുവനടി കാജല് അഗര്വാളിന് മമ്മൂട്ടിയുടെയും മോഹന്ലാലിന്റെയും ജോഡിയായി അഭിനയിക്കണം. ഇതിനായി മലയാളത്തിലെ പല ആര്ടിസ്റ്റുകളോടും ടെക്നീഷ്യന്മാരോടും താരം സംസാരിച്ചിട്ടുണ്ട്. വിജയ് അടക്കമുള്ള സൂപ്പര് താരങ്ങളുടെ നായികയായി അഭിനയിച്ച കാജല് അടുത്തിടെ ബോളിവുഡിലും തുടക്കമിട്ടു. രജനികാന്ത്, വെങ്കിടേഴ്, നാഗാര്ജുന എന്നിവരുടെ ചിത്രങ്ങളിലും അഭിനയിക്കണമെന്ന് അടുത്തിടെ ഒരു ഇന്റര്വ്യൂവില് പറഞ്ഞു.
ഈ വാക്കുകള് വിശ്വസിച്ച് ബാലകൃഷ്ണയുടെ പിരീഡ് സിനിമയില് നായികയായി അഭിനയിക്കാന് കാജലിനെ ക്ഷണിച്ചു. ബാലകൃഷ്ണയുടെ 100ാം സിനിമയായിരുന്നു. ചിത്രത്തിന്റെ സംവിധായകന് കാജലിനെ നേരില് കണ്ട് കാര്യം അവതരിപ്പിച്ചിരുന്നു. എന്നാല് നിങ്ങള് ആവശ്യപ്പെട്ട ഡേറ്റ് തരാനില്ലെന്നായിരുന്നു താരം പിന്നീട് അറിയിച്ചത്. ഒരു മറാത്തി സിനിമയുടെ തിരക്കിലാണ് താനെന്നും താരം പറഞ്ഞു. ബാലകൃഷ്ണയെ പോലുള്ള സൂപ്പര് താരത്തിന്റെ സിനിമയോട് കാണിച്ച അനാദരവ് ക്ഷമിക്കാനാവില്ലെന്ന് അണിയറപ്രവര്ത്തകര് പറഞ്ഞു.
അതേസമയം രാംചരണ് തേജായുടെ നായികയായി അഭിനയിക്കാന് കാജല് ഡേറ്റ് നല്കി. തനി ഒരുവന്റെ റീമേക്കാണിത്. രാംചരണും കാജലും തെലുങ്കിലെ ഹിറ്റ് ജോഡികള് എന്നാണ് വിശ്വാസം. അതുകൊണ്ടാണ് ബാലകൃഷ്ണയുടെ പടം ഒഴിവാക്കിയതെന്നും പറയുന്നു. ദീപീവലിക്ക് ചിത്രം റിലീസ് ചെയ്യാനാണ് അണിയറപ്രവര്ത്തകര് ആലോചിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
