അമ്മയുടെ വയറ്റില്‍ ഒന്‍പതു മാസക്കാലവും കുഞ്ഞെന്തു ചെയ്യുന്നുവെന്ന് അറിയാമോ? . ഇടയ്ക്കുള്ള ചവിട്ടും ഉറക്കവും മാത്രമല്ല, വയറ്റില്‍ കുഞ്ഞാവ ചെയ്യുന്നത്. നമുക്കറിയാത്ത പല കാര്യങ്ങളിലൂടെയും ആക്ടീവാണ് വയറ്റിലെ കുഞ്ഞ് ..ഗര്‍ഭകാലഘട്ടത്തിന്റെ ഒന്‍പതാമത്തെ ആഴ്ചയിലാണ് കുഞ്ഞിനു അനക്കം ഉണ്ടാകുന്നത് പതിനാറാമത്തെ ആഴ്ച മുതൽ അമ്മയ്ക്ക് കുഞ്ഞിന്റെ അനക്കം വ്യക്തമായി മനസ്സിലാകും .

അമ്മയുടെ വയറ്റിലെ സുരക്ഷിതത്വത്തിന്റെ ആ ചൂടില്‍ ഒന്നുമറിയാതെ കിടക്കുമ്പോൾ മുതൽ അമ്മയും കുഞ്ഞുമായുമുള്ള ബന്ധം തുടങ്ങുന്നു.. അമ്മയുടെ ഭക്ഷണവും പാനീയവും മാത്രമല്ല, അമ്മയുടെ വികാരങ്ങള്‍ പോലും കുഞ്ഞിലേയ്ക്കു പകര്‍ത്തപ്പെടുന്നു. യൂട്രസ് ഭിത്തിയില്‍ പറ്റിപ്പിടിച്ചു വളര്‍ച്ചയാരംഭിയ്ക്കുന്ന ഘട്ടം മുതല്‍ കുഞ്ഞു പുറത്തു വരുന്ന ഘട്ടം വരേയും അമ്മയുടെ ശരീരത്തിനേക്കാള്‍ കൂടുതല്‍ മാറ്റം കുഞ്ഞിനു വരുന്നുണ്ട് .

ഗര്‍ഭത്തിന്റെ തുടക്കത്തിലെ മോണിംഗ് സിക്‌നസ് പോലുള്ള അവസ്ഥകള്‍ കഴിഞ്ഞാല്‍ ഗര്‍ഭിണിയ്ക്കു വിശപ്പുണ്ടാകുന്നതു സ്വാഭാവികമാണ്. ഇതു കുഞ്ഞിന്റെ കൂടി വിശപ്പാണ്. അതാണ് പണ്ടുള്ളവർ ഗർഭിണി രണ്ടു പേർക്കുള്ള ആഹാരം കഴിക്കണം എന്ന് പറയാറുള്ളത്

അമ്മ കഴിയ്ക്കുന്ന എന്തും, കുടിയ്ക്കുന്ന എന്തും കുഞ്ഞും രുചിയ്ക്കുന്നു, പൊക്കിള്‍ക്കൊടിയിലൂടെ എല്ലാ ഭക്ഷണങ്ങളും ഇവയിലെ പോഷകങ്ങളും വാവയിലും എത്തുന്നു. ഇതാണ് ഗര്‍ഭകാലത്തെ ഭക്ഷണ ശ്രദ്ധയക്കു പുറകിലെ കാരണം. രുചിഭേദവും കുഞ്ഞിന് തിരിച്ചറിയാന്‍ സാധിയ്ക്കും. എരിവും മസാല രുചികളും പൊതുവേ കുഞ്ഞ് ഇഷ്ടപ്പെടുന്നില്ല.

ഗര്‍ഭത്തിന്റെ മൂന്നാം ഘട്ടത്തില്‍ ക്യാരറ്റ് കൂടുതല്‍ കഴിയ്ക്കുന്ന സ്ത്രീയ്ക്കുണ്ടാകുന്ന കുഞ്ഞുങ്ങള്‍ പച്ചക്കറികള്‍ കൂടുതല്‍ ഇഷ്ടപ്പെടുന്നവരാകുമെന്ന് പീഡിയാട്രിക്‌സ് എന്ന വാരികയില്‍ പ്രസിദ്ധീകരിച്ച പഠന ഫലങ്ങള്‍ വെളിപ്പെടുത്തുന്നു. കുഞ്ഞിന് നേരിട്ട് ഇതു ലഭിയ്ക്കുന്നില്ലെങ്കിലും പൊക്കിള്‍ക്കൊടിയിലൂടെ ഇതിന്റെ ഫലങ്ങള്‍ കുഞ്ഞിനു ലഭിയ്ക്കുകയും ചെയ്യുന്നു. അതായത് ഇതിന്റെ രുചി വരെ തിരിച്ചറിയാന്‍ കുഞ്ഞിന് സാധിയ്ക്കുമെന്നര്‍ത്ഥം

ഗര്‍ഭകാലത്ത് അമ്മയ്ക്കുണ്ടാകുന്ന സ്‌ട്രെസോ ടെന്‍ഷനോ സങ്കടമോ എല്ലാം കുഞ്ഞിനും അനുഭവപ്പെടുമത്രേ... . ഇത്തരം അവസരത്തില്‍ കുഞ്ഞ് ഇടം കൈ കൊണ്ടു മുഖം പൊത്തുമെന്നാണ് പറയുന്നത് . ഇതു പോലെ അമ്മ സങ്കടപ്പെട്ടാല്‍, കരഞ്ഞാല്‍ വയററിലെ കുഞ്ഞും ഇതു പോലെ സങ്കടപ്പെടുമെന്നാണ് പറയുന്നത്.

ഗര്‍ഭത്തിന്റെ മൂന്നാം സെമസ്റ്ററില്‍, അതായത് ആറു മാസത്തിനു ശഷം എടുക്കുന്ന ചിത്രങ്ങളില്‍ ഇക്കാര്യം വെളിപ്പെട്ടിട്ടുണ്ട്. കുഞ്ഞുങ്ങള്‍ വാ തുറക്കുന്നതും കിതയ്ക്കുന്നതും ചുണ്ടുകള്‍ ഇളക്കുന്നതുമായുമെല്ലാം തെളിഞ്ഞിട്ടുണ്ട്.

ഇതെല്ലാം തന്നെ കുഞ്ഞു കരയുന്നതാണെന്ന സൂചന നല്‍കുന്നുവെന്നു പഠനങ്ങള്‍ പറയുന്നു. കണ്ണീര്‍ വരില്ലെങ്കിലും ചുണ്ടുകള്‍ ഇളക്കുന്നതും കിതയക്കുന്നതുമെല്ലാം തന്നെ കുഞ്ഞിന്റെ വികാരക്ഷോഭ അടയാളങ്ങളാണ്. ഇതു പോലെ തന്നെ വയററിലെ വാവയ്ക്കു ചിരിയ്ക്കാനും കഴിയും. 24 ആഴ്ചകളില്‍ ചിരിയ്ക്കാനും 35 ആഴ്ചകളില്‍ പുരികം ചുളിയ്ക്കാനുമാകുമെന്നു പഠനങ്ങള്‍ പറയുന്നു.

ഗര്‍ഭത്തിന്റെ ആദ്യ ആഴ്ചകളില്‍ തന്നെ കുഞ്ഞിന്റെ ചെവി രൂപപ്പെടുന്നു. കുഞ്ഞിന് ഏതാണ്ട് 6-7 മാസങ്ങളില്‍ തന്നെ പുറത്തു നിന്നുള്ള സ്വരങ്ങളടക്കം അറിയാനും കേള്‍ക്കാനും തിരിച്ചറിയാനുമെല്ലാം സാധിയ്ക്കും. പുറത്തു വന്ന ഉടന്‍ കുഞ്ഞ് അമ്മയുടെ ഒച്ച തിരിച്ചറിയുന്നത് അതുകൊണ്ടാണ് . ഇതു പോലെ കുഞ്ഞിന് പരിചിതമായ, അതായത് വയറ്റില്‍ വച്ചു കുഞ്ഞ് ഏറെക്കേട്ട ശബ്ദം പെട്ടെന്നു തന്നെ കുഞ്ഞു തിരിച്ചറിയുന്നു.അതുകൊണ്ടുതന്നെ കഴിവതും വഴക്കോ ബഹളമോ ഗർഭിണി ഒഴിവാക്കുന്നതാണ് നല്ലത്.

വയറ്റിലെ കുഞ്ഞിനോട് സംസാരിയ്ക്കണമെന്നും കുഞ്ഞിനെ പാട്ടു കേള്‍പ്പിയ്ക്കണം എന്നുമെല്ലാം പറയുന്നത് ഇതുകൊണ്ടാണ്..