സഹയാത്രക്കാരിയെ വിളിച്ച് സ്വന്തം ലൈംഗികാവയവം കാട്ടിയ വിമാന യാത്രക്കാരനായ യുവാവിനെ വിമാനം തിരിച്ചിറക്കി അറസ്റ്റ് ചെയ്യിച്ചു. ഹൈദരാബാദില്‍ നിന്നും ഡല്‍ഹിയിലേക്കുള്ള യാത്രയ്ക്കിടെ ഇന്‍ഡിഗോ വിമാനത്തിലാണ് സംഭവം. രമേഷ് ചന്ദ് എന്നയാളാണ് പിടിയിലായത്. തന്റെ അടുത്തിരുന്ന രമേഷ് ചന്ദ് പാന്റ്‌സിന്റെ സിബ്ബ് ഊരിയ ശേഷം പരസ്യമായി സ്വയംഭോഗം ചെയ്യുകയായിരുന്നുവെന്ന് പരാതിക്കാരിയായ യുവതി പറഞ്ഞു.

സംഭവം വിമാന ജീവനക്കാരുടെ ശ്രദ്ധയില്‍പ്പെടുത്തിയതോടെ യുവതിക്ക് മറ്റൊരു സീറ്റ് അനുവദിച്ചു. തുടര്‍ന്ന് വിമാനം ഡല്‍ഹിയില്‍ ലാന്‍ഡ് ചെയ്തപ്പോള്‍ രമേഷിനെ അറസ്റ്റ് ചെയ്യുകയായിരുന്നു. ഇന്‍ഡിഗോയുടെ സെക്യൂരിറ്റി ജീവനക്കാര്‍ രമേഷിനെ തടഞ്ഞു വച്ച് പോലീസിന് കൈമാറുകയായിരുന്നു. ഇയാള്‍ക്കെതിരെ ഡല്‍ഹി പോലീസ് കേസെടുത്തു.

നേരത്തെയും ഇന്‍ഡിഗോ വിമാനത്തില്‍ സമാനമായ സംഭവം നടന്നിരുന്നു. അന്ന് യാത്രാമദ്ധ്യേ ജനനേന്ദ്രിയം പുറത്തെടുത്ത യാത്രക്കാരന്‍ എയര്‍ ഹോസ്റ്റസിനെ നോക്കി സ്വയംഭോഗം ചെയ്യുകയായിരുന്നു. അന്ന് പിടിയിലായയാളും ഡല്‍ഹി സ്വദേശിയാണ്.