അടിച്ചുപൊളി വിദ്യാര്ഥികള്ക്ക് ലഹരി സൗജന്യമായി ഉപയോഗിക്കാന് നല്കി ആ ശീലത്തിന് അടിമകളാക്കുന്നത് മാഫിയയുടെ പുത്തന് തന്ത്രം, ചെങ്ങന്നൂരില് വിദ്യാര്ഥികളില് ലഹരി ഉപയോഗം വ്യാപകമാകുന്നു
ചെങ്ങന്നൂര് താലൂക്കിലെ സ്കൂളുകള് കേന്ദ്രീകരിച്ച് ലഹരി വില്പന വ്യാപകമാകുന്നതായി പരാതി. ഹയര് സെക്കന്ഡറി വിദ്യാര്ഥികളെയാണ് ലഹരി മാഫിയകള് സാധാരണയായി വലയില് വീഴ്ത്തി ഏജന്റുമാരാക്കി മാറ്റുന്നത്. ഇങ്ങനെ ഏജന്റുമാരാകുന്ന വിദ്യാര്ഥികളെ ഉപയോഗിച്ചാണ് പുതിയ ഉപഭോക്താക്കളായ വിദ്യാര്ഥികള് ഉള്പ്പടെയുള്ളവരെയും മറ്റു ഏജന്റുമാരെയും കണ്ടത്തുന്നത്.
ഒരു രസത്തിന് ലഹരി ഉപയോഗം തുടങ്ങുന്ന ഇവര് പിന്നിട് ഇതിന് അടിമയായി മാറുകയാണ്. ഏഴാം ക്ലാസില് പഠിക്കുമ്പോഴാണ് ലഹരി ഉപയോഗം ആദ്യം തുടങ്ങിയതെന്നും ഇത് പിന്നീട് ജീവിതത്തിന്റെ തന്നെ ഭാഗമായി മാറുകയായിരുന്നുവെന്ന് പേര് വെളുപ്പെടുത്താന് ആഗ്രഹിക്കാത്ത ഒരു വിദ്യാര്ഥി പറഞ്ഞു.
ജീവിതം അടിച്ചു പൊളിക്കാന് വെമ്പല് കൊള്ളുന്ന വിദ്യാര്ഥികളെ ഇതിന്റെ കച്ചവടക്കാരാക്കുന്നതാണ് ലഹരി മാഫിയായുടെ രീതി. ഇതിനായി പാവപ്പെട്ട കുട്ടികളെയാണ് കൂടുതലും തെരഞ്ഞെടുക്കുന്നത്. തുടക്കത്തില് ലഹരി മിഠായികളില് തുടങ്ങി ചെറു കഞ്ചാവ് പൊതികളില് വരെ എത്തുന്നതാണ് കച്ചവടരീതി.
ഏജന്റുമാരായി നില്ക്കുന്ന വിദ്യാര്ഥികള്ക്ക് കമ്മീഷന് ഇനത്തില് ചെറിയ തുകകള് ലഭിക്കുന്നതോടെ ഇവരുടെ ജീവിത രീതിയിലും മാറ്റം വരുന്നു. തുടര്ന്ന് അടിപൊളി ജീവിതം ആഗ്രഹിക്കുന്ന ഈ കൂട്ടര്, ആണ് പെണ് വ്യത്യാസമില്ലാതെ സഹപാഠികളെ സ്ഥിരം ഇടപാടുകരാക്കുന്നു. ഇതോടെ കച്ചവടം പൊടിപൊടിക്കുന്നു.
ലഹരി മാഫിയില്പെട്ട ആണ്സുഹൃത്തുക്കള്ക്ക് വേണ്ടി ചില പെണ്കുട്ടികളും കാരിയറായി പ്രവര്ത്തിക്കുന്നുണ്ടന്ന് പറയപ്പെടുന്നു. ഒരു കിലോയില് താഴെയാണ് പിടിക്കപ്പെടുന്നതെങ്കില് ജാമ്യം കിട്ടുന്നത് കൊണ്ട് ചെറു പൊതികളാക്കി വില്പനയ്ക്കായി കൊടുക്കുന്ന രീതിയാണ് മാഫിയകള് അവലംബിക്കുന്നതെന്നാണ് ലഭ്യമായ വിവരം.
പിടിക്കപ്പെടുന്ന വിദ്യാര്ഥികള്ക്ക് ജാമ്യം എടുക്കാനായി പ്രത്യേക ടീം തന്നെ ഇവര്ക്ക് പിന്നിലുണ്ട്. വിദ്യാര്ഥികളിലെ ലഹരി ഉപയോഗം തടയുന്നതിനും ബോധവത്ക്കരണം നടത്തുന്നതിനും എക്സൈസ് വകുപ്പിന്റെ നേത്യത്വത്തില് വിവിധ പരിപാടികളാണ് സ്കൂള്-കോളജ് കേന്ദ്രികരിച്ച് നടത്തി വരുന്നത്. എന്നാല് അവയുടെ സന്ദേശം എല്ലാവരിലും ശരിയായ രീതിയില് എത്താതെ പോകുന്നുവെന്ന് സ്കൂള് അധികൃതര് പറയുന്നു.
https://www.facebook.com/Malayalivartha
