കൊച്ചിയില് നടിയെ ആക്രമിച്ച കേസിന്റെ വിചാരണ ഈ നവംബറിന് മുമ്പ് പൂര്ത്തിയാകുമ്പോള് ഗൂഢാലോചന നടത്തിയതിന് ദിലീപ് അഴിക്കുള്ളിലാകുമോ? സിനിമാ ലോകവും ആരാധകരും ഉറ്റുനോക്കുന്നത് അതാണ്
കൊച്ചിയില് നടിയെ ആക്രമിച്ച കേസിന്റെ വിചാരണ ഈ നവംബറിന് മുമ്പ് പൂര്ത്തിയാകുമ്പോള് ഗൂഢാലോചന നടത്തിയതിന് ദിലീപ് അഴിക്കുള്ളിലാകുമോ? സിനിമാ ലോകവും ആരാധകരും ഉറ്റുനോക്കുന്നത് അതാണ്. അവസാനം ഇറങ്ങിയ കോടതി സമക്ഷം ബാലന് വലിയ പരാജയമായിരുന്നു. പുതിയ ചിത്രങ്ങളൊന്നും താരം കരാര് ഒപ്പിട്ടിട്ടില്ല. പ്രൊഫസര് ഡിങ്കനാണ് പൂര്ത്തിയാക്കാനുണ്ട്. വേഗത്തില് വാചാരണ പൂര്ത്തിയാക്കണമെന്ന് ഹൈക്കോടതി നിര്ദ്ദേശിച്ചതിനാല് ദിലീപ് ചിത്രങ്ങള്ക്ക് മുതല് മുടക്കാന് നിര്മാതാക്കളില് പലരും തയ്യാറാകുന്നില്ല. ചാക്കിലെ പൂച്ച പുറത്തായെന്ന് ഇന്ന് ഹൈക്കോടതി വിമര്ശനം കൂടി നടത്തിയതോടെ ദിലീപിന് വലിയ തിരിച്ചടിയാണ്.
ദിലീപ് കേസില്പ്പെട്ടതിന് പിന്നാലെ മലയാളസിനിമയില് വര്ഷങ്ങളായി നിലനിന്ന പല അനാവശ്യ കീഴ്വഴക്കങ്ങളും അവസാനിച്ചെന്നാണ് ആര്ടിസ്റ്റുകളും സാങ്കേതിക വിദഗ്ധരും രഹസ്യമായി പറയുന്നത്. തനിക്കെതിരെ ശബ്ദിക്കുന്നവരെ സിനിമയില് നിന്ന് ഒഴിവാക്കുന്നത് ദിലീപിന്റെ രീതിയായിരുന്നെന്ന് നടന് അനൂപ് ചന്ദ്രന് അടക്കമുള്ളവര് പൊലീസിന് മൊഴി നല്കിയിട്ടുണ്ട്. മഞ്ജുവാര്യരുടെ സിനിമയില് അഭിനയിക്കരുതെന്ന് പരോക്ഷമായി ഭീഷണിപ്പെടുത്തിയെന്ന് കുഞ്ചാക്കോബോബനും അന്വേഷണ സംഘത്തിന് മൊഴി നല്കിയിട്ടുണ്ട്. മാത്രമല്ല വര്ഷങ്ങളായി പലരീതിയില് ദിലീപ് ദ്രോഹിച്ച തുളസീദാസിനേയും രാജസേനനേയും പോലുള്ള സംവിധായകരും മറ്റ് ചില സാങ്കേതികപ്രവര്ത്തകരും ദിലീപിന്റെ പതനം കാണാന് കാത്തിരിക്കുകയാണ്.
മമ്മൂട്ടിക്ക് പിന്നാലെ മോഹന്ലാലുമായും ദിലീപ് അകന്നെന്നാണ് സിനിമാവൃത്തങ്ങളിലുള്ളവര് പറയുന്നത്. അമ്മയില് നിന്ന് ആദ്യം ദിലീപിനെ പുറത്താക്കിയത്, പൃഥ്വിരാജിന്റെ നിര്ബന്ധത്തിന് വഴങ്ങി മമ്മൂട്ടി ചെയ്ത പണിയാണെന്നാണ് ദിലീപുമായി അടുത്ത ബന്ധമുള്ളവര് ആരോപിക്കുന്നത്. ജാമ്യത്തിലിറങ്ങിയ ശേഷം ദിലീപ് ഇതുവരെ മമ്മൂട്ടിയെ കാണാനോ, അല്ലെങ്കില് മമ്മൂട്ടി ദിലീപിനെ കാണാനോ തയ്യാറായിട്ടില്ല. മുമ്പ് ചക്കരയും തേനും പോലെ കഴിഞ്ഞിരുന്നവരാണ് ഇരുവരും. രണ്ട് പേര്ക്കും ഇടയിലുള്ള പ്രശ്നങ്ങള് പരിഹരിക്കാന് ആരും മുന്നോട്ട് വന്നിട്ടില്ല എന്നതും ശ്രദ്ധേയമാണ്. ദിലീപിന്റെ ആവശ്യപ്രകാരം മഞ്ജുവര്യരെ നായികയാക്കാന് മുമ്പ് മമ്മൂട്ടി തയ്യാറായിരുന്നില്ലെന്ന് സിനിമയില് അങ്ങാടിപ്പാട്ടാണ്. എന്നാല് മോഹന്ലാലിനോട് ഇതേ കാര്യം ആവശ്യപ്പെട്ടെങ്കിലും വഴങ്ങിയില്ലെന്ന് മാത്രമല്ല മോഹന്ലാലിന്റെ മിക്ക സിനിമകളിലും മഞ്ജുവാണ് നായിക.
വിമന് ഇന് കളക്ടീവ് സിനിമയുടെയും സാംസ്കാരിക വകുപ്പ് മന്ത്രി എ.കെ ബാലന്റെയും നിര്ബന്ധത്തിന് വഴങ്ങി മോഹന്ലാല് തന്നെ അമ്മയില് നിന്ന് പുറത്താക്കുക മാത്രമല്ല അക്കാര്യ വാര്ത്താസമ്മേളനത്തില് പ്രഖ്യാപിച്ചത് ദിലീപിനെ ചൊടിപ്പിച്ചെന്നാണ് സിനിമാ ഇന്ഡസ്ട്രിയില് നിന്ന് ലഭിക്കുന്ന സൂചന. മോഹന്ലാലിന്റെ പ്രഖ്യാപനത്തിന് പിന്നാലെ തന്നെ പുറത്താക്കിയതല്ലെന്നും രാജിവെച്ചതാണെന്നും ദിലീപ് ഫെയിസ്ബുക്കിലൂടെ അറിയിച്ചു. പുറത്താക്കിയെന്ന മോഹന്ലാലിന്റെ പ്രഖ്യാപനം ദിലീപിന് വലിയ നാണക്കേടാണ് ഉണ്ടാക്കിയത്. ദിലീപിനും കാവ്യയ്ക്കും മകള് ജനിച്ചിട്ടും ഇന്ഡസ്ട്രിയിലുള്ളവരെ നൂല്കെട്ടിനടക്കം ക്ഷണിച്ചില്ല എന്നതും ശ്രദ്ധേയമാണ്. സിദ്ധിഖിനെയും നാദിര്ഷയേയും പോലുള്ള ചുരുക്കം ചിലരാണ് ഇപ്പോഴും ദിലീപിന് കട്ടസപ്പോര്ട്ടുമായുള്ളത്. അതിനാല് വിചാരണയ്ക്ക് ശേഷം കോടതി എന്തായിരിക്കും വിധി പറയുക എന്നതിനെ ആശ്രയിച്ചിരിക്കും ദിലീപിന്റെ ഭാവി.
https://www.facebook.com/Malayalivartha
