സ്ഥാനാര്ത്ഥി നിര്ണയം പൂര്ത്തീകരിച്ച് എല്.ഡി.എഫ് ലോക്സഭാ തെരഞ്ഞെടുപ്പ് പ്രചരണത്തില് ഒരു ചുവട് മുന്നിലായി, 20 ലോക്സഭാ മണ്ഡലങ്ങളിലെയും സ്ഥാനാര്ത്ഥികളുടെ പേരും വിവരങ്ങളും കണ്വീനര് വൈക്കംവിശ്വന് പ്രഖ്യാപിച്ചു
സ്ഥാനാര്ത്ഥി നിര്ണയം പൂര്ത്തീകരിച്ച് എല്.ഡി.എഫ് ലോക്സഭാ തെരഞ്ഞെടുപ്പ് പ്രചരണത്തില് ഒരു ചുവട് മുന്നിലായി. 20 ലോക്സഭാ മണ്ഡലങ്ങളിലെയും സ്ഥാനാര്ത്ഥികളുടെ പേരും വിവരങ്ങളും കണ്വീനര് വൈക്കംവിശ്വന് പ്രഖ്യാപിച്ചു. പൊന്നാനിയില് സ്ഥാനാര്ത്ഥിത്വം അവസാന നിമിഷം വരെ ആശയക്കുഴപ്പം ഉണ്ടായിരുന്നെങ്കിലും സിപിഎം പൊന്നാനി പാര്ലമെന്റ് മണ്ഡലം കമ്മിറ്റി വീണ്ടും പിവി അന്വര് എം.എല്.എയുടെ പേര് നിര്ദ്ദേശിച്ചതോടെ അനിശ്ചിതത്വം നീങ്ങി. എം.എല്.എമാരും പോരിനിറങ്ങുന്നതോടെ മത്സരം പൊടിപാറും. കാസര്കോട് സിറ്റിംഗ് എം.പി പി കരുണാകരന് ഒഴികെയുള്ള സിറ്റിംഗ് എം.പിമാരെല്ലാം മത്സരത്തിനുണ്ട്.
പൊന്നാനിയില് പിവി അന്വര്, ആലപ്പുഴയില് എഎം ആരിഫ് ,പത്തനംതിട്ടയില് വീണ ജോര്ജ്ജ്, കോഴിക്കോട്ട് എ പ്രദീപ് കുമാര് എന്നീ് എംഎല്എമാരാണ് പാര്ലമെന്റ് പോരാട്ടത്തിന് കളത്തിലിറങ്ങുന്നത്. സി.പി.എമ്മിന്റെ നാല് ജില്ലാ സെക്രട്ടറിമാരും സ്ഥാനാര്ത്ഥികളായി. കോട്ടയം ജില്ലാ സെക്രട്ടറി വിഎന് വാസവന് കോട്ടയത്തും കണ്ണൂര് ജില്ലാ സെക്രട്ടറി പി ജയരാജന് വടകരയിലും എറണാകുളം ജില്ലാ സെക്രട്ടറി പി.രാജീവ് എറണാകുളത്തും കൊല്ലം ജില്ലാ സെക്രട്ടറി കെഎന് ബാലഗോപാല് കൊല്ലത്തും മത്സരിക്കും. സി.പി.യുടെ നെടുമങ്ങാട് എംഎല്എ സി ദിവാകരനും അടൂര് എംഎല്എ ചിറ്റയം ഗോപകുമാറും സ്ഥാനാര്ത്ഥി പട്ടികയിലുണ്ട്. തൃശൂരില് മുന് എം.എല്.എ രാജാജി മാത്യൂവും വയനാട് സി.പി സുനീറുമാണ് സ്ഥാനാര്ത്ഥികള്.
പുതുതായി മുന്നണിയിലെത്തിയ വീരേന്ദ്രകുമാറിന്റെ ലോക് താന്ത്രിക് ജനതാദളിലും ആര്. ബാലകൃഷ്ണപിള്ളയുടെ പാര്ട്ടിക്കും ഐ.എന്.എല്ലിനും ജനാധിപത്യ കേരളാ കോണ്ഗ്രസിനും എന്.സി.പിക്കും മറ്റ് ഘടക കക്ഷികള്ക്കൊന്നും ഇത്തവണ സീറ്റില്ല. അതില് അവര്ക്ക് കടുത്ത അതൃപ്തിയുണ്ട്. കഴിഞ്ഞ തവണ കോട്ടയം സീറ്റ് ജനതാദള് എസിന് നല്കിയിരുന്നു. എന്.സി.പി പത്തനംതിട്ട സീറ്റ് ആവശ്യപ്പെട്ടിരുന്നു. വീരേന്ദ്രകുമാര് വടകരയാണ് ആവശ്യപ്പെട്ടത്. എന്നാല് സി.പി.ഐയുടെ നാല് സീറ്റില് ഒഴികെയുള്ള 16 സീറ്റിലും സി.പി.എം അവരുടെയും പൊതുസ്വതന്ത്രരേയും മത്സരത്തിനിറക്കുകയായിരുന്നു. സീറ്റ് ലഭിക്കാത്ത എതിര്പ്പ് ജെഡിഎസും എല്ജെഡിയും ഇടത് മുന്നണി യോഗത്തില് അറിയിച്ചു. തര്ക്കങ്ങളില്ലെന്നും മുന്നണിയുടെ ഐക്യത്തിന് വേണ്ടി ഒരുമിച്ച് നില്ക്കുമെന്നും ഘടക കക്ഷി നേതാക്കള് പ്രതികരിച്ചു.
ഇടത് മുന്നണിയുടെ സ്ഥാനാര്ത്ഥി പട്ടിക ഇങ്ങനെ:
തിരുവനന്തപുരം സി ദിവാകരന് (സിപിഐ)
ആറ്റിങ്ങല് എ സമ്പത്ത്
കൊല്ലം കെഎന് ബാലഗോപാല്
പത്തനംതിട്ട വീണ ജോര്ജ്ജ്
മാവേലിക്കര ചിറ്റയം ഗോപകുമാര് (സിപിഐ)
ആലപ്പുഴ എഎം ആരിഫ്
ഇടുക്കി ജോയിസ് ജോര്ജ്ജ്
കോട്ടയം വിഎന് വാസവന്
എറണാകുളം പി രാജീവ്
ചാലക്കുടി ഇന്നസെന്റ്
തൃശൂര് രാജാജി മാത്യു തോമസ് (സിപിഐ)
ആലത്തൂര് പി കെ ബിജു
പാലക്കാട് എംബി രാജേഷ്
പൊന്നാനി പിവി അന്വര്
മലപ്പുറം വി പി സാനു
കോഴിക്കോട് എ പ്രദീപ് കുമാര്
വടകര പി ജയരാജന്
വയനാട് പിപി സുനീര് (സിപിഐ)
കണ്ണൂര് പികെ ശ്രീമതി
കാസര്കോട് കെപി സതീഷ് ചന്ദ്രന്
https://www.facebook.com/Malayalivartha
