ലോ​ക്സ​ഭാ തെ​ര​ഞ്ഞെ​ടു​പ്പി​ല്‍ മു​ൻ വി​ജി​ല​ൻ​സ് മേ​ധാ​വി ജേ​ക്ക​ബ് തോ​മ​സ് മ​ത്സ​രി​ക്കില്ല. അ​ദ്ദേ​ഹ​ത്തി​ന്‍റെ രാ​ജി സ​ര്‍​ക്കാ​ര്‍ സ്വീ​ക​രി​ക്കാ​ത്ത സാ​ഹ​ച​ര്യ​ത്തി​ലാ​ണ് തീ​രു​മാ​നം. അതേസമയം ജേ​ക്ക​ബ് തോ​മ​സി​ന് പ​ക​രം മ​റ്റ് ആ​രെ​യും സ്ഥാ​നാ​ര്‍​ത്ഥി​യാ​ക്കി​ല്ലെ​ന്ന് എ​റ​ണാ​കു​ളം കിഴക്കമ്പലത്തെ ട്വ​ന്‍റി-20 വൃ​ത്ത​ങ്ങ​ള്‍ അ​റി​യി​ച്ചു.

ഒരു വര്‍ഷത്തിലേറെ സര്‍വീസ് ബാക്കി നില്‍ക്കെയാണ് സ്വയം വിരമിക്കാനുള്ള ഡി.ജി.പി ജേക്കബ് തോമസിന്റെ തീരുമാനം അറിയിച്ചത് . ചീഫ് സെക്രട്ടറിക്കും കേന്ദ്ര പഴ്സണല്‍ മന്ത്രാലയത്തിനുമാണ് അപേക്ഷ നല്‍കിയിരുക്കുന്നത്.

ചാ​ല​ക്കു​ടി​യി​ല്‍ മ​ത്സ​രി​ക്കു​ന്ന​തി​നാ​യി ജേ​ക്ക​ബ് തോ​മ​സ് സ​ര്‍​വ്വീ​സി​ല്‍ നി​ന്നും സ്വ​യം വി​ര​മി​ക്കു​ന്ന​തി​നു​ള്ള അ​പേ​ക്ഷ ന​ല്‍​കി​യി​രു​ന്നു. ഐ​പി​എ​സ് ഉ​ദ്യോ​ഗ​സ്ഥ​നാ​യ​തി​നാ​ല്‍ സ്വ​യം വി​ര​മി​ക്ക​ലി​ന്‍റെ ന​ട​പ​ടി ക്ര​മ​ങ്ങ​ള്‍ പൂ​ര്‍​ത്തീ​ക​രി​ക്കേ​ണ്ട​ത് കേ​ന്ദ്ര ത​ല​ത്തി​ലാ​ണ്. എ​ന്നാ​ല്‍, നാ​മ​നി​ര്‍​ദേ​ശ പ​ത്രി​ക സ​മ​ര്‍​പ്പി​ക്കേ​ണ്ട അ​വ​സാ​ന തീ​യ​തി​യാ​യ ഏ​പ്രി​ല്‍ നാ​ലി​ന് മുൻപ് വി​ര​മി​ക്ക​ലി​നു​ള്ള ന​ട​പ​ടി ക്ര​മ​ങ്ങ​ള്‍ പൂ​ര്‍​ത്തി​യാ​കി​ല്ല. ഈ ​സാ​ഹ​ച​ര്യ​ത്തി​ലാ​ണ് ജേക്കബിന്റെ പി​ന്മാ​റ്റം.

2017 ഡിസംബര്‍ മുതല്‍ ജേക്കബ് തോമസ് സസ്പെന്‍ഷനിലാണ്. ഐ.എം.ജി ഡയറക്ടറായിരിക്കെ സര്‍വീസ് ചട്ടം ലംഘിച്ച് പുസ്തകമെഴുതിയതിനും ഓഖി ദുരന്തത്തിലെ സര്‍ക്കാര്‍ നടപടിയെ വിമര്‍ശിച്ച് പ്രസംഗിച്ചതിനുമാണ് സസ്പെന്‍ഷന്‍. തുറമുഖ വകുപ്പ് ഡയറക്ടറായിരിക്കെ 14 കോടിയുടെ അഴിമതി നടത്തിയെന്ന പരാതിയില്‍ വിജിലന്‍സ് അന്വേഷണവും നേരിടുന്നുണ്ട്. ഇക്കാരണത്തില്‍ സ്വയം വിരമിക്കാനുള്ള അപേക്ഷയ്ക്ക് അംഗീകാരം ലഭിക്കാന്‍ നിയമതടസ്സം നില നിന്നിരുന്നു.

അതേസമയം മുൻപ് കെ.​സി.​ബി.​സി മ​ദ്യ​വി​രു​ദ്ധ സ​മി​തി​യു​ടെ ചെ​യ​ർ​മാ​നാ​യി​രു​ന്ന ചാ​ർ​ളി പോ​ളി​നെ സ്ഥാ​നാ​ർ​ഥി​യാ​ക്കാ​ൻ നീ​ക്കം ന​ട​ത്തി​യെ​ങ്കി​ലും ക്രൈ​സ്​​ത​വ​സ​ഭ​യു​ടെ​യും യു.​ഡി.​എ​ഫി​​ന്റെ​യും ഇ​ട​പെ​ട​ൽ മൂ​ലം അ​ദ്ദേ​ഹം പി​ന്മാ​റു​ക​യാ​യി​രു​ന്നു. ചാ​ല​ക്കു​ടി മ​ണ്ഡ​ല​ത്തി​ൽ​പെ​ട്ട കി​ഴ​ക്ക​മ്പ​ലം പ​ഞ്ചാ​യ​ത്ത് ഭ​രി​ക്കു​ന്ന​ത് ട്വ​ൻ​റി20​യാ​ണ്. പ​ഞ്ചാ​യ​ത്തി​ലെ 19 ൽ 17 ​വാ​ർ​ഡി​ലും ട്വ​ൻ​റി20 ആ​ണ് വി​ജ​യി​ച്ച​ത്. നി​യ​മ​സ​ഭ തെ​ര​ഞ്ഞെ​ടു​പ്പി​ൽ സം​ഘ​ട​ന മ​ത്സ​രി​ച്ചി​രു​ന്നി​ല്ല.