ടി.പി ചന്ദ്രശേഖരനെ വധിച്ച ശേഷം സി.പി.എം കെ.കെ രമയെ മാനസികമായി വേട്ടയാടുകയാണെന്ന് വടകരയിലെ യു.ഡി.എഫ് സ്ഥാനാര്ത്ഥി കെ.മുരളീധരന് ആരോപിച്ചു
ടി.പി ചന്ദ്രശേഖരനെ വധിച്ച ശേഷം സി.പി.എം കെ.കെ രമയെ മാനസികമായി വേട്ടയാടുകയാണെന്ന് വടകരയിലെ യു.ഡി.എഫ് സ്ഥാനാര്ത്ഥി കെ.മുരളീധരന് ആരോപിച്ചു. പി.ജയരാജനെ കൊലയാളി എന്ന് വിളിച്ച കെ.കെ രമയ്ക്കെതിരെ കേസ് എടുത്ത സാഹചര്യത്തിലാണ് മുരളീധരന്റെ പ്രതികരണം. മാര്ച്ച് 17നാണ് രമ ഇത്തരത്തിലൊരു പരാമര്ശം നടത്തിയത്. അതിനെതിരെ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് തെരഞ്ഞെടുപ്പ് കമ്മീഷന് നല്കിയ പരാതിയിലാണ് കേസ് എടുക്കാന് കോടതി ഉത്തരവിട്ടത്. പി.ജയരാജനെ പിന്തുണയ്ക്കാന് സ്വന്തം സ്ഥാനാര്ത്ഥിയെ പോലും പിന്വലിച്ചവരാണ് ആര്.എം.പിക്കാര്. അതിനാല് രമയ്ക്ക് എല്ലാ പിന്തുണയും നല്കുമെന്നും കെ.മുരളീധരന് പറഞ്ഞു.
രമക്കെതിരായ കേസ് നിയമപമായി നേരിടുമെന്നും മുരളീധരന് കോഴിക്കോട് പറഞ്ഞു. രമയും യു.ഡി.എഫും യാഥാര്ത്ഥ്യമാണ് പറഞ്ഞത്. പക്ഷെ, രമയ്ക്കെതിരെ കേസെടുത്തു. വടകര ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് രമയ്ക്കെതിരെ കേസെടുക്കാമെന്ന് ഉത്തരവിട്ടത്. കോടിയേരി ബാലകൃഷ്ണന് നല്കിയ പരാതിയിലാണ് നടപടി. 171 ജി വകുപ്പ് പ്രകാരം കേസെടുക്കാനാണ് മജിസ്ട്രേറ്റ് ഉത്തരവിട്ടത്. ജയരാജനെ കൊലയാളിയെന്ന് വിളിച്ചത് വോട്ടര്മാര്ക്കിടയില് തെറ്റിദ്ധാരണ പരത്താനിടയുണ്ട്. ജനങ്ങള്ക്ക് മുന്നില് അദ്ദേഹത്തെ അപകീര്ത്തിപ്പെടുത്തുകയാണ് ഇത്തരം പരാമര്ശങ്ങള്. തുടങ്ങിയ ആരോപണങ്ങളാണ് കോടിയേരി പരാതിയില് ഉന്നയിച്ചത്.
രമയുടെ പ്രസ്താവനയ്ക്കെതിരെ മാതൃകാ പെരുമാറ്റചട്ടപ്രകാരം നടപടി സ്വീകരിക്കണമെന്നും കോടിയേരി ബാലകൃഷ്ണന് കേന്ദ്ര തെരഞ്ഞെടുപ്പ് കമ്മീഷനും സംസ്ഥാന തെരഞ്ഞെടുപ്പ് ഓഫീസര്ക്കും നല്കിയ പരാതിയില് ആവശ്യപ്പെട്ടു. കോടിയേരി പരാതി നല്കും മുമ്പ് ജയരാജന് രമയ്ക്കെതിരെ വക്കീല് നോട്ടീസ് അയച്ചിരുന്നു. കോഴിക്കോട് ആര്എംപി യോഗത്തിന് ശേഷം വാര്ത്താ സമ്മേളനം നടത്തിയപ്പോഴാണ് പി ജയരാജന് 'കൊലയാളി'യാണെന്ന് കെ കെ രമ പ്രതികരിച്ചത്. വടകരയില് നിന്ന് പി ജയരാജനെ മത്സരിപ്പിക്കാനുള്ള സി.പി.എം നീക്കം വോട്ടര്മാരോടുള്ള വെല്ലുവിളിയാണെന്നും അതിനെ എന്ത് വിലകൊടുത്തും എതിര്ക്കുമെന്ന് ആര്എംപി ആദ്യമേ വ്യക്തമാക്കിയിരുന്നു.
പിണറായി വിജയന് സംസ്ഥാന സെക്രട്ടറിയായിരിക്കെ സി.പി.എമ്മിന്റെ , വലത്പക്ഷവ്യതിയാനത്തെ തുടര്ന്നാണ് ടി.പി ചന്ദ്രശേഖരന്റെ നേതൃത്വത്തില് ഒരു കൂട്ടം ആളുകള് 2009ല് ആര്.എം.പി രൂപീകരിച്ചത്. ഏറാമല പഞ്ചായത്ത് പ്രസിഡന്റ് സ്ഥാനം വീരേന്ദ്രകുമാറിന്റെ ജനതാദളിന് നല്കണമെന്ന സി.പി.എം സംസ്ഥാന നേൃത്വത്തിന്റെ തീരുമാനം ടി.പി ചന്ദ്രശേഖരനും വേണുവും അടക്കം അംഗീകരിച്ചില്ല. ആര്.എം.പി രൂപീകരിച്ച ശേഷം ഒഞ്ചിയം, ഏറാമല, ചോറോട് പഞ്ചായത്തുകളുടെ ഭരണം ആര്എംപി യു.ഡി.എഫ് സഹകരണത്തോടെ പിടിച്ചെടുത്തിരുന്നു. 2009ലെ ലോക്സഭാ തെരഞ്ഞെടുപ്പില് വടകരയില് സി.പി.എമ്മിലെ സിറ്റിംഗ് എം.പി പി.സതീദേവിയെ ആര്.എം.പി തോല്പ്പിക്കുകയും ചെയ്തു. തു്ടര്ന്നാണ് ചന്ദ്രശേഖരനെ വധിച്ചത്.
https://www.facebook.com/Malayalivartha
