സംസ്ഥാനത്തെ സ്കൂള് വിദ്യാര്ത്ഥികള്ക്ക് നടത്തുന്ന ഓണ്ലൈന് ക്ലാസിന്റെ ട്രയല് ഒരാഴ്ചത്തേക്കുകൂടി നീട്ടാന് തീരുമാനമായി
സംസ്ഥാനത്തെ സ്കൂള് വിദ്യാര്ത്ഥികള്ക്ക് നടത്തുന്ന ഓണ്ലൈന് ക്ലാസിന്റെ ട്രയല് ഒരാഴ്ചത്തേക്കുകൂടി നീട്ടാന് തീരുമാനം. മുഖ്യമന്ത്രിയുടെ അധ്യക്ഷതയില് ഇന്ന് ചേര്ന്ന മന്ത്രിസഭാ യോഗത്തിലാണ് തീരുമാനം. ട്രയലിനിടെ അപകാതകള് പരിഹരിക്കും. വിക്ടേഴ്സ് ചാനലില് ക്ലാസുകള് പുനഃസംപ്രേഷണം ചെയ്യും. ജൂണ് ഒന്നിന് തുടങ്ങിയ ഓണ്ലൈന് ക്ലാസുകള് നേരത്തെ ഒരാഴ്ചത്തേക്ക് ട്രയലായി നടത്താനാണ് തീരുമാനിച്ചിരുന്നത്.
രണ്ടു ലക്ഷത്തിലധികം കുട്ടികള്ക്ക് ഓണ്ലൈന് പഠനത്തില് പങ്കാളികളാകാനുള്ള സൗകര്യങ്ങളില്ലെന്ന് കണ്ടെത്തിയിട്ടുണ്ട്. ഈ അപാകതകളെല്ലാം പരിഹരിക്കുന്നതിനാണ് ട്രയല് ഒരാഴ്ചത്തേക്കുകൂടി നീട്ടിയത്. ഈ ഘട്ടത്തില് എടുത്ത ക്ലാസുകള് വിക്ടേഴ്സ് ചാനലില് പുനഃസംപ്രേഷണം ചെയ്യും. ക്ലാസുകള് ആര്ക്കും നഷ്ടപ്പെട്ടില്ലെന്ന് ഉറപ്പാക്കാനാണിത്.
ഓണ്ലൈന് ക്ലാസില് പങ്കെടുക്കാനാകാതെ വിദ്യാര്ത്ഥി ആത്മഹത്യ ചെയ്ത സാഹചര്യമുണ്ടായിരുന്നു. ധൃതിപിടിച്ച് സര്ക്കാര് ഓണ്ലൈന് ക്ലാസുകള് നടത്തിയെന്ന ആക്ഷേപം നിലനില്ക്കുന്നതിനിടെയാണ് പുതിയ തീരുമാനം.
https://www.facebook.com/Malayalivartha
