കൊല്ലം അഞ്ചലിനെ ഞെട്ടിച്ച് മറ്റൊരു കൊലപാതകം കൂടി. സ്വന്തം ഭാര്യയെ കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്യുകയായിരുന്നു അമ്മയും അച്ഛനും ഈ ലോകം വിട്ടുപോയതൊന്നും മൂന്നുവയസ്സുകാരി അശ്വതി അറിഞ്ഞില്ല. അമ്മയുടെ മൃതദേഹത്തില്‍ മുലപ്പാല്‍ നുണഞ്ഞ് കരഞ്ഞുകൊണ്ടിരിക്കുകയായിരുന്നു അവള്‍. അഞ്ചല്‍ ഇടമുളയ്ക്കലായിരുന്നു ഈ കണ്ണീര്‍ക്കാഴ്ച.

ഇടമുളയ്ക്കല്‍ അമൃത് ഭവനില്‍ സുനില്‍ മുപ്പത്തി നാലു വയസ്സാണ് സുനിലിന്, ഭാര്യ സുജിനി, 24 വയസാണ് സുജിനിക്ക്. സുനില്‍ വീടിന്റെ കഴുക്കോലില്‍ തൂങ്ങിയനിലയിലും സുജിനി തറയില്‍ പായയില്‍ മരിച്ചനിലയിലുമായിരുന്നു.

വാടകവീട്ടിലാണ് ഇവര്‍ താമസിച്ചിരുന്നത്. ബുധനാഴ്ച പുലര്‍ച്ചെ അഞ്ചുമണിയോടെ സുനില്‍ ആലഞ്ചേരിയില്‍ താമസിക്കുന്ന അമ്മയെ വിളിച്ച് തനിക്കു സുഖമില്ലെന്നും പെട്ടെന്ന് വീട്ടില്‍ എത്തണമെന്നും ആവശ്യപ്പെട്ടു. സുനിലിന്റെ അമ്മ സുജിനിയുടെ അച്ഛനെ വിവരമറിയിച്ചു. രാവിലെ അദ്ദേഹം വന്ന് വിളിച്ചപ്പോള്‍ വാതില്‍ തുറന്നില്ല. വീട്ടിനുള്ളില്‍നിന്ന് കുഞ്ഞിന്റെ കരച്ചില്‍കേട്ട് സമീപത്തെ വീട്ടില്‍നിന്ന് വെട്ടുകത്തിവാങ്ങി ജനല്‍പ്പാളി പൊളിച്ച് നോക്കിയപ്പോഴാണ് സുനിലിന്റെയും സുജിനിയുടെയും മൃതദേഹങ്ങള്‍ കണ്ടത്. കുഞ്ഞ് അമ്മയുടെ മുലപ്പാല്‍ കുടിച്ച് കരയുകയായിരുന്നു.

സുജിനിയെ കഴുത്തുഞെരിച്ച് കൊലപ്പെടുത്തിയശേഷം സുനില്‍ ആത്മഹത്യ ചെയ്തതാണെന്ന പ്രാഥമിക നിഗമനത്തിലാണ് പോലീസ്. ഫൊറന്‍സിക് സംഘം സ്ഥലത്തെത്തി പരിശോധന നടത്തി. കുടുംബ പ്രശ്നങ്ങളാണ് മരണത്തിന് കാരണമെന്ന് പോലീസ് പറയുന്നു. മേസ്തിരി പണിക്കാരനാണ് സുനില്‍. മൃതദേഹം തിരുവനന്തപുരം മെഡിക്കല്‍ കോളേജ് ആശുപത്രിയില്‍ പോസ്റ്റുമോര്‍ട്ടം നടത്തിയശേഷം ബന്ധുക്കള്‍ക്ക് വിട്ടുനല്‍കി.

ഇന്ന് പുലര്‍ച്ചെ അഞ്ച് മണിയോടെ സുനില്‍ മാതാവിനെ ഫോണില്‍ വിളിക്കുകയും ആശുപത്രിയില്‍ പോകേണ്ടതുണ്ടെന്നും വീട്ടിലേക്ക് വരണമെന്നും ആവശ്യപ്പെട്ടിരുന്നു. എന്നാല്‍ അവര്‍ സുജിനയുടെ പിതാവിനെ വിവരമറിയിച്ചു. അദ്ദേഹം വീട്ടിലെത്തിയപ്പോഴാണ് മൂന്ന് വയസുള്ള മകന്റെ കരച്ചില്‍ കേട്ടത്. തുടര്‍ന്ന് ജനല്‍പാളി പൊളിച്ച് പരിശോധിച്ചപ്പോഴാണ് ഇരുവരും മരിച്ചതായി കണ്ടത്. പോലിസും ഫോറന്‍സിക് വിദഗ്ധരും സംഭവസ്ഥലത്തെത്തി.