അങ്ങനെ മദ്യ രാജാവ് തടവറയിലേക്ക്; ഇനി പണവും പെണ്ണും മദ്യവും എല്ലാം മല്യക്ക് സ്വപ്നം മാത്രം; നിയമനടപടികള് പൂര്ത്തിയായി
വിജയ് മല്യയെ ബ്രിട്ടനില് നിന്ന് ഇന്ത്യയിലെ ജയിലില് എത്തിച്ചേക്കും. ബ്രിട്ടനും ഇന്ത്യയും തമ്മില് നിയമനടപടികള് പൂര്ത്തിയാക്കിയതായി സൂചന. മുംബൈയിലെ ആര്തര് റോഡ് ജയിലിലാകും മല്യയെ പാര്പ്പിക്കുകയെന്നാണ് റിപ്പോര്ട്ട്. ഇന്ത്യയിലേക്ക് അയക്കരുതെന്ന മല്യയുടെ അവസാന ഹര്ജിയും യുകെ കോടതി തള്ളിയിരുന്നു.
നിലവില് ബ്രിട്ടണിലാണ് മല്യ താമസിക്കുന്നത്. ഇന്ത്യയില് എത്തുന്ന മല്യയെ സിബിഐ, എന്ഫോഴ്സ്മെന്റ് ഉദ്യോഗസ്ഥര് അനുഗമിക്കും. മുംബൈ വിമാനത്താവളത്തിലെ വൈദ്യ പരിശോധനക്ക് ശേഷമാകും മല്യയെ ജയിലിലേക്ക് കൊണ്ടുവരുക എന്നാണ് വിവരം. രാത്രിയാണ് എത്തുന്നതെങ്കില് മല്യയെ സിബിഐ ആസ്ഥാനത്ത് താമസിപ്പിക്കും. പകല് ആണെങ്കില് ഉടന് തന്നെ മല്യയിലെ കോടതിയില് ഹാജരക്കാനാണ് തീരുമാനം.
വിവാദ വ്യവസായിയായ മല്യ വ്യാവസായിക ആവശ്യങ്ങള്ക്കായി 9,000 കോടി രൂപയാണ് വിവിധ ബാങ്കുകളില് നിന്നായി വായ്പ്പയെടുത്തത്. വായ്പകള് തിരിച്ചടക്കാത്തതിനെ തുടര്ന്ന് നിയമ നടപടികള് ആരംഭിച്ചതോടെ മല്യ വിദേശത്തേക്ക് കടന്നു. 2016 ലാണ് മല്യ ബ്രിട്ടണില് എത്തിയത്.
വിജയ മല്യയുടെ ആരോഗ്യസ്ഥിതി പരിശോധിക്കാന് മെഡിക്കല് സംഘത്തെ വിമാനത്താവളത്തില് നിയോഗിച്ചു. മുംബൈയിലാണ് മല്യക്കെതിരായ കേസ് രജിസ്റ്റര് ചെയ്തിരിക്കുന്നത്. പിന്നീട് കോടതില് ഹാജരാക്കുന്ന മല്യയെ കസ്റ്റഡിയില് വേണമെന്ന് സിബിഐയും ഇഡിയും ആവശ്യപ്പെട്ടേക്കും.
2018ല് മല്യയുടെ ഹര്ജിയില് വാദം കേള്ക്കുന്നതിനിടെ ഇന്ത്യക്ക് കൈമാറിയാല് ഏത് ജയിലിലാണ് പാര്പ്പിക്കുകയെന്ന് യുകെയിലെ കോടതി ആരാഞ്ഞിരുന്നു. മുംബൈയിലെ ആര്തര് റോഡ് ജയിലിന്റെ വീഡിയോയാണ് അന്ന് സിബിഐ അധികൃതര് കോടതിയില് കാണിച്ചത്. ആര്തര് റോഡ് ജയിലിലെ അതീവ സുരക്ഷയുള്ള ബാരക്കുകളിലൊന്നിലെ രണ്ട് നില കെട്ടിടത്തിലാണ് മല്യയെ പാര്പ്പിക്കുകയെന്നും സിബിഐ കോടതിയെ അറിയിച്ചിരുന്നു.
ഇന്ത്യയിലെ 17 ബാങ്കുകളില് നിന്ന് 9000 കോടി രൂപ വായ്പയെടുത്ത് വഞ്ചിച്ചുവെന്നാണ് മല്യയ്ക്കെതിരായ കേസ്. ഇന്ത്യക്ക് കൈമാറരുതെന്ന് ആവശ്യപ്പെട്ട് മല്യ നല്കിയിരുന്ന ഹര്ജി മെയ് 14ന് യുകെയിലെ കോടതി തള്ളിയിരുന്നു.
അതേസമയം ബാങ്കുകള്ക്ക് കൊടുക്കാനുള്ള എല്ലാ തുകയും തിരിച്ചു നല്കാന് തയാറാണെന്ന് വ്യക്തമാക്കിക്കൊണ്ട് വിജയ് മല്യ രംഗത്തുവന്നിരുന്നു. മാര്ച്ച് അവസാനത്തോടെയായിരുന്നു ഈ അപേക്ഷയുമായി മല്യ രംഗത്തുവന്നത്. രാജ്യത്ത് ലോക്ക്ഡൗണും സാമ്പത്തിക പ്രതിസന്ധിയും നിലനില്ക്കുമ്പോള് തട്ടിച്ച പണം പൂര്ണമായും മടക്കി നല്കാന് തയാറാണെന്നായിരുന്നു നിര്മലാ സീതാരാമനോട് അപേക്ഷിച്ചത്.
https://www.facebook.com/Malayalivartha