മരം മുറിക്കാന്‍ കയറിയപ്പോള്‍ തലചുറ്റല്‍; അഗ്‌നിരക്ഷാ സേനയെത്തി രക്ഷിച്ചു
04 JUNE 2020 01:06 PM IST
മലയാളി വാര്‍ത്ത
തൊടുപുഴയില്‍ മരം മുറിക്കാന്‍ കയറിയ യുവാവിന് മരത്തിന് മുകളില്‍ വച്ച് ദേഹാസ്വാസ്ഥ്യം ഉണ്ടായി.
രാവിലെ ഒന്‍പതേമുക്കാലോടെയായിരുന്നു സംഭവം. തൊണ്ടിക്കുഴ സ്‌കൂളിനു സമീപം തേക്കിന്റെ കൊമ്പ് മുറിക്കാനായി 20 അടിയോളം ഉയരത്തില്‍ കയറിയ യുവാവിന് തലചുറ്റുകയായിരുന്നു.
നാട്ടുകാര്‍ വിവരമറിയിച്ചതിനെ തുടര്‍ന്ന് അസിസ്റ്റന്റ് സ്റ്റേഷന്‍ ഓഫിസര്‍ പി.വി.രാജന്റെ നേതൃത്വത്തില്‍ ഓഫിസര്‍മാരായ ബില്‍സ് ജോര്‍ജ്, സജീവ്, ഷിന്റോ ജോസ് എന്നിവര്‍ മരത്തില്‍ കയറി ഏണിയും വലയും ഉപയോഗിച്ചു ബിജുവിനെ താഴെയിറക്കി. ബിജുവിനെ ജില്ലാ ആശുപത്രിയില്‍ പ്രവേശിപ്പിച്ചു.
മലങ്കര മരുതുംകുന്നേല്‍ ബിജുവിനെ (40) ആണു തൊടുപുഴ അഗ്‌നിരക്ഷാസേന താഴെയിറക്കിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
