പതിവ് കൈവിടാതെ ആളൂര്! കിരണ്കുമാര് അറിയപ്പെടുന്ന ഉദ്യോഗസ്ഥൻ, ഇത്രയും കാലത്തിനിടയില് ഒരു കേസിലും പ്രതി ചേര്ക്കപ്പെട്ടിട്ടില്ല: കിരണിനെ കള്ളക്കേസില് കുടുക്കുന്നു, പൊലീസിന് അമിതാവേശം; കിരണ് സാധുവായ യുവാവ്: അന്ന് ജോളിയെ സംരക്ഷിച്ചു... ഇനി കിരണിന്റെ വേണ്ടി
വിസ്മയയുടെ മരണത്തില് പ്രതി കിരണ്കുമാറിന്റെ ജാമ്യാപേക്ഷയില് ജൂണ് 5 തിങ്കളാഴ്ച വിധി പറയും. ശാസ്താംകോട്ട ഒന്നാം ക്ലാസ് മഡിസ്ട്രേട്ട് കോടതിയാണ് വിധി പറയുക. ഗോവിന്ദച്ചാമിയുടെയും ജോളി യുടേയുമൊക്കെഅഭിഭാഷകനായിരുന്ന ബി.എ.ആളൂരാണ് ഇന്നലെ കിരണിനു വേണ്ടി കോടതിയില് ഹാജരായത്.
എന്നാൽ കിരണിന്റെ ജാമ്യഹര്ജിയെ പ്രോസിക്യൂഷന് എതിര്ക്കുകയായിരുന്നു. വിസ്മയയുടെ മരണത്തില് കിരണിനു പങ്കില്ലെന്ന കുടുംബത്തിന്റെ നിലപാട് തന്നെയാണ് ജാമ്യഹര്ജിയിലും ആവര്ത്തിച്ചിരിക്കുന്നത്. കിരണിനായി ഇന്നലെയാണ് ബി.എ.ആളൂര് കോടതിയില് ഹാജരായത്.
കിരണ്കുമാര് അറിയപ്പെടുന്ന ഉദ്യോഗസ്ഥനാണെന്നും ഇത്രയും കാലത്തിനിടയില് ഒരു കേസിലും പ്രതി ചേര്ക്കപ്പെട്ടിട്ടില്ലെന്നും ആളൂര് വാദിച്ചു. പൊലീസ് മനഃപൂര്വം കള്ളക്കേസില് കുടുക്കാന് ശ്രമിക്കുകയാണ്. സമാനമായ പല ആത്മഹത്യകളുണ്ടായിട്ടുണ്ടെങ്കിലും ഇത്രയും ശുഷ്കാന്തി പൊലീസ് കാണിച്ചിട്ടില്ല. ഈ കേസില് പൊലീസ് കാണിക്കുന്നത് അമിതാവേശമാണെന്ന് ആളൂര് കോടതിയില് വാദിച്ചു.
നിലവില് കിരണിനെതിരെ ചുമത്തിയിരിക്കുന്ന 304 ബി. (സ്ത്രീധനപീഡനം മൂലമുള്ള മരണം) വകുപ്പ് മാത്രം ചുമത്താവുന്ന കുറ്റമല്ലെന്നും മരണത്തില് ദുരൂഹതയുള്ളതിനാല് അന്വേഷണ പുരോഗതിയനുസരിച്ച് മറ്റു പല വകുപ്പുകളും ചുമത്തേണ്ടി വരുമെന്നും അസി.പബഌക് പ്രോസിക്യൂട്ടര് കാവ്യനായര് കോടതിയെ അറിയിച്ചു.
കസ്റ്റഡിയില് വാങ്ങിയെങ്കിലും പ്രതിക്ക് കോവിഡ് ബാധിച്ചതിനാല് അന്വേഷണം പൂര്ത്തിയാക്കാന് കഴിഞ്ഞിട്ടില്ല. രോഗം മാറുന്നതനുസരിച്ച് പ്രതിയെ കസ്റ്റഡിയില്വാങ്ങി തെളിവെടുപ്പ് പൂര്ത്തിയാക്കേണ്ടതുണ്ട്. അതിനാല് ജാമ്യം നല്കരുതെന്നും പ്രോസിക്യൂഷന് വാദിച്ചു.
നെയ്യാറ്റിന്കര സബ് ജയിലിലാണ് കിരണ് കുമാര് ഇപ്പോള് ഉള്ളത്. കിരണിന് നേരത്തെ കോവിഡ് സ്ഥിരീകരിച്ചിരുന്നു. കോവിഡ് മുക്തനായ ശേഷം കിരണിനെ പൊലീസ് വീണ്ടും കസ്റ്റഡിയില് വാങ്ങും. കേസില് തെളിവെടുപ്പ് നടക്കുന്നതിനിടെയാണ് കിരണിന് കോവിഡ് സ്ഥിരീകരിച്ചത്.
https://www.facebook.com/Malayalivartha
