'നിങ്ങള് തയ്യാറെങ്കില് തലസ്ഥാനത്ത് തിങ്കളാഴ്ച രാവിലെ 10 മണിക്ക് നിങ്ങള് പറയുന്ന വേദിയില് ഞാന് എത്താം'; പോക്സോ കേസുമായി ബന്ധപ്പെട്ട് എ.എ. റഹീമിനെ പരസ്യസംവാദത്തിന് വെല്ലുവിളിച്ച് മാത്യു കുഴല്നാടന് എം.എല്.എ
മൂവാറ്റുപുഴയിലെ പോക്സോ കേസുമായി ബന്ധപ്പെട്ട് ഡി.വെെ.എഫ്.ഐ സംസ്ഥാന സെക്രട്ടറി എ.എ. റഹീമിനെ പരസ്യസംവാദത്തിന് വെല്ലുവിളിച്ച് മാത്യു കുഴല്നാടന് എം.എല്.എ. തയ്യാറെങ്കില് തലസ്ഥാനത്ത് തിങ്കളാഴ്ച രാവിലെ 10 മണിക്ക് നിങ്ങള് പറയുന്ന വേദിയില് താന് സംവാദത്തിന് എത്താമെന്ന് അദ്ദേഹം അറിയിച്ചു. നിങ്ങള് സൃഷ്ടിച്ചിട്ടുള്ള പുകമറ മാറ്റേണ്ടത് പൊതു പ്രവര്ത്തകന് എന്ന നിലയില് എന്റെയും, അതിലേറെ പാര്ട്ടിയുടെ അന്തസ് ഉയര്ത്തിപ്പിടിക്കുന്നതിന് ആവശ്യമാണെന്നും കുഴല്നാടന് ഫേസ്ബുക്കില് കുറിച്ചു.
മാത്യു കുഴല്നാടന്റെ ഫേസ്ബുക്ക് പോസ്റ്റ്
ഡി.വെെ.എഫ്.ഐ സംസ്ഥാന സെക്രട്ടറി എ.എ. റഹീമിനോടാണ്. കഴിഞ്ഞ ഏതാനും ദിവസങ്ങളായി മൂവാറ്റുപുഴയിലെ പോക്സോ കേസുമായി ബന്ധപ്പെട്ട് നിങ്ങള് എനിക്ക് എതിരെയും പാര്ട്ടിക്കെതിരെയും അപവാദ പ്രചരണങ്ങള് നടത്തി കൊണ്ടിരിക്കുകയാണല്ലോ. എന്നെ പ്രതി നിങ്ങള് സൃഷ്ടിച്ചിട്ടുള്ള പുകമറ മാറ്റേണ്ടത് പൊതു പ്രവര്ത്തകന് എന്ന നിലയില് എന്റെയും, അതിലേറെ പാര്ട്ടിയുടെ അന്തസ്സ് ഉയര്ത്തിപ്പിടിക്കുന്നതിന് ആവശ്യമാണ് എന്നതുകൊണ്ടാണ് ഈ പ്രതികരണം. നിങ്ങളുടെ വെല്ലുവിളി നിറഞ്ഞ മനസ്സോടെ ഞാന് ഏറ്റെടുക്കുന്നു. നമുക്ക് ഈ കാര്യത്തില് ഒരു പരസ്യ സംവാദം ആകാം, ബാക്കി പൊതുജനം തീരുമാനിക്കട്ടെ. നിങ്ങള് തയ്യാറെങ്കില് തലസ്ഥാനത്ത് തിങ്കളാഴ്ച രാവിലെ 10 മണിക്ക് നിങ്ങള് പറയുന്ന വേദിയില് ഞാന് എത്താം. മറുപടിക്കായി കാക്കുന്നു...
https://www.facebook.com/Malayalivartha
