ഭാര്യ മരിച്ച് അഞ്ചാം ദിവസം വ്യാപാരിയായ ഭര്‍ത്താവിനെ വീട്ടില്‍ തൂങ്ങി മരിച്ച നിലയില്‍ കണ്ടെത്തി. മലയിന്‍കീഴ് ട്രഷറി റോഡിനു സമീപം കട നടത്തുന്ന കണ്ടല കുളപ്പള്ളിവിളാകം നന്ദനം വീട്ടില്‍ എസ്.പ്രഭാകരന്‍നായര്‍(53) ആണ് മരിച്ചത്. സംസ്കാരം ഞായറാഴ്ച്ച കഴിഞ്ഞു.

കഴിഞ്ഞ എട്ടാംതീയതി രാവിലെ കുഴഞ്ഞുവീണതിനെ തുടര്‍ന്ന് മഞ്ജുഷയെ മലയിന്‍കീഴ് താലൂക്ക് ആശുപത്രിയിലും അവിടെ നിന്നും മെഡിക്കല്‍കോളേജ് ആശുപത്രിയിലും പ്രവേശിപ്പിച്ചിരുന്നെങ്കിലും ഹൃദയാഘാതം മൂലം മരിച്ചു. മഞ്ജുഷയുടെ സഞ്ചയനകര്‍മം ഞായറാഴ്ചയായിരുന്നു നടക്കേണ്ടിയിരുന്നത് .

അതിനുള്ള ഒരുക്കങ്ങള്‍ നടക്കുന്നതിനിടയിലാണ് പ്രഭാകരന്‍നായരുടെ മരണം. ഈ ദമ്പതിമാര്‍ക്ക് മക്കളില്ല. ശനിയാഴ്ച ഊണ് കഴിഞ്ഞ് വീട്ടിലെ മുറിയില്‍ കയറിയ പ്രഭാകരന്‍നായരെ പിന്നീട് തൂങ്ങിമരിച്ചനിലയിലാണ് ബന്ധുക്കള്‍ കണ്ടത്. ജീവിതത്തിൽ എന്തെങ്കിലും പ്രശ്നങ്ങൾ ഉണ്ടാകുമ്പോൾ പലരും ആത്മഹത്യ എന്നതാണ് അവസാന മാർഗമായി കാണക്കാക്കുന്നത്.

ബോധത്തോടെ ഉള്ളവരായാലും സുബോധം ഇല്ലാത്തവർ ആയാലും മദ്യത്തിന്റെ ലഹരിയിൽ ആയാലും മിക്കവരും ആത്മഹത്യ ഒരു പരിഹാരമാർഗ്ഗം ആയി കാണുന്നത് നമ്മുടെ നാട്ടിൽ വർദ്ധിച്ചു വരുന്ന പ്രവണതയാണ്. തൃശ്ശൂരും സമാനമായ സംഭവം നടന്നിരിക്കുന്നു. എന്നാൽ ജീവന് അത് സംഭവിക്കാതെ പോലീസ് ഒരാളെ രക്ഷിച്ചു.

ഭാര്യ പിണങ്ങിപ്പോയതില്‍ മനം നൊന്ത് യുവാവ് ആത്മഹത്യക്ക് ശ്രമിച്ചു. ലോറി ഡ്രൈവറായ തലശ്ശേരി സ്വദേശിയായ യുവാവാണ് ആത്മഹത്യയ്ക്കു ശ്രമിച്ചത്. തൃശ്ശൂരിലെ ഒല്ലൂരില്‍ റെയില്‍വേ പാളത്തില്‍ തലവെച്ച് ജീവനൊടുക്കാനായിരുന്നു ശ്രമം . സ്റ്റേഷന്‍ മാസ്റ്ററുടെയും പൊലീസിന്‍റെയും സമയോചിത ഇടപെടലിലൂടെ യുവാവിനെ രക്ഷപ്പെടുത്തുകയായിരുന്നു .

വെള്ളിയാഴ്ച രാത്രി 11.30 ഓടെയാണ് സംഭവം നടന്നത്. ലോറി ഡ്രൈവറായ യുവാവ് സിമന്‍റ് ഇറക്കാനായി ഒല്ലൂരിലെത്തിയതായിരുന്നു. ഭാര്യയുമായുള്ള പ്രശ്നത്തില്‍ മനംനൊന്ത് മദ്യപിച്ച യുവാവ് ഒല്ലൂര്‍ സ്റ്റേഷന് സമീപത്തെ പാളത്തില്‍ തലവെച്ച് ആത്മഹത്യക്ക് ശ്രമിച്ചു. യുവാവ് പാളത്തില്‍ തലവച്ചു കിടക്കുന്നത് കണ്ട സ്റ്റേഷന്‍ മാസ്റ്റര്‍ ഉടനെ തന്നെ പൊലീസില്‍ വിളിച്ച് വിവരം അറിയിച്ചു.

പൊലീസ് ഉടനെ റെയില്‍വേ സ്റ്റേഷനിലെത്തി യുവാവിനെ അനുനയിപ്പിച്ച് ആത്മഹത്യശ്രമത്തില്‍ നിന്നും പിന്തിരിപ്പിച്ചു. പിന്നീട് പൊലീസ് സ്റ്റേഷനിലെത്തിച്ച യുവാവിനെ തൊഴിലുടമയെ വിളിച്ച് വരുത്തി അവരുടെ കൂടെ പറഞ്ഞുവിടുകയായിരുന്നു. പ്രശ്നങ്ങൾ വരുമ്പോൾ ആത്മഹത്യ എന്നത് ഒരു പരിഹാരമാർഗ്ഗം അല്ല എന്ന കാര്യം എല്ലാവരും അറിഞ്ഞിരിക്കുക.