നടൻ മോഹൻലാലിന് ദേശീയ പതാക കൈമാറി ദി ന്യൂ ഇന്ത്യൻ എക്സ്പ്രസ്. ആസാദി കാ അമൃത് മഹോത്സവിന്റെ ഭാ​ഗമായാണ് ദി ന്യൂ ഇന്ത്യൻ എക്സ്പ്രസിന്റെ കേരള റീജ്യണൽ ജനറൽ മാനേജർ വിഷ്ണു നായർ മോഹൻലാലിന് ഇന്ത്യൻ മിനിയേച്ചർ ടേബിൾ ഫ്ലാ​ഗ് കൈമാറിയത്.

മാത്രമല്ല ഹീറോ മോട്ടോകോർപുമായി ചേർന്നാണ് ദി ന്യൂ ഇന്ത്യൻ എക്സ്പ്രസ് രാജ്യത്ത് ഉടനീളം ഇന്ത്യൻ മിനിയേച്ചർ ഫ്ലാ​ഗുകൾ വിതരണം ചെയ്യുന്നത്. തുടർന്ന് ഹർ ഘർ തിരം​ഗയിൽ പങ്കാളിയായി മോഹൻലാൽ വീട്ടിൽ ദേശീയ പതാക ഉയർത്തി. അദ്ദേഹത്തിന്റെ കൊച്ചി എളമക്കരയിലെ വീട്ടിലാണ് മോഹൻലാൽ പതാക ഉയർത്തിയത്.

അതേസമയം ആസാദി കാ അമൃത് മഹോത്സവത്തിൽ പങ്കാളിയാവാൻ കഴിഞ്ഞതിൽ സന്തോഷമുണ്ടെന്ന് വ്യക്തമാക്കിക്കൊണ്ട് പതാക ഉയർത്തുന്നതിന്റെ വിഡിയോ താരം സോഷ്യൽ മീഡിയയിൽ പങ്കുവച്ചു. അതുപോലെ തന്നെ സ്വാതന്ത്ര്യത്തിന്റെ 75-ാം വാര്‍ഷികാഘോഷം ആസാദി കാ അമൃത് മഹോത്സവത്തിന്റെ ഭാഗമായി സംഘടിപ്പിക്കുന്ന 'ഹര്‍ ഘര്‍ തിരംഗ' പരിപാടിക്ക് ഇന്ന് തുടക്കമാണ്.