വീടിന്റെ പടിക്കെട്ടിന് സമീപം മൂര്ഖന്: പിഞ്ചു ബാലനെ കൊത്താനാഞ്ഞ് പാമ്പ്; വീഡിയോ വൈറൽ
മൂര്ഖന് പാമ്പിന്റെ കടിയിൽ നിന്നും പിഞ്ചു ബാലൻ രക്ഷപ്പെട്ടത് തലനാരിഴയ്ക്ക്. വീടിന്റെ പടിക്കെട്ടിന് സമീപത്തുകൂടി പോയിരുന്ന മൂര്ഖന് പാമ്പിൽ നിന്നാണ് രക്ഷപ്പെട്ടത്. പത്തി വിടര്ത്തി കൊത്താനാഞ്ഞ പാമ്പിന്റെ മുന്നില് നിന്നും അമ്മയുടെ സമയോചിത ഇടപെടലാണ് കുട്ടിയുടെ ജീവൻ രക്ഷിച്ചത്.
അതേസമയം കാണുന്നവരുടെ മനസ്പിടയുന്ന വീഡിയോ സമൂഹമാധ്യമങ്ങളില് വൈറലായി മാറിയിരിക്കുകയാണ്. മാത്രമല്ല അമ്മയും കുട്ടിയും വീടിന് പുറത്തേക്ക് ഇറങ്ങുമ്പോഴാണ് അപ്രതീക്ഷിത സംഭവമുണ്ടാകുന്നത്.
കുട്ടി താഴേക്ക് ശ്രദ്ധിക്കാതെ പാമ്പിന്റെ തൊട്ടുമുന്നിലൂടെ താഴേക്ക് ഇറങ്ങുന്നു. തുടർന്ന് പിന്നോട്ടു വഴുതിമാറിയ പാമ്പ് കുട്ടിയെ കൊത്താനായി പത്തി വിടര്ത്തി എത്തുന്നു. എന്നാൽ ഇതുകണ്ട കുട്ടി പേടിച്ച് പാമ്പിന് സമീപത്തുകൂടെ വീട്ടിലേക്ക് ഓടിക്കയറാന് ശ്രമിക്കുന്നു. ഉടനടി അമ്മ അവസരോചിതമായി കുട്ടിയെ പൊക്കിയെടുത്ത് രക്ഷിക്കുകയാണ്.
https://www.facebook.com/Malayalivartha