പഞ്ചാബിലെ ഫഗ്വാരയില് ദലിത് പ്രവര്ത്തകരും വലതുപക്ഷ സംഘടനാ പ്രവര്ത്തകരും തമ്മിലുണ്ടായ സംഘര്ഷത്തില് പരിക്കേറ്റ യുവാവ് മരിച്ചു
പഞ്ചാബിലെ ഫഗ്വാരയില് ദലിത് പ്രവര്ത്തകരും വലതുപക്ഷ സംഘടനാ പ്രവര്ത്തകരും തമ്മിലുണ്ടായ സംഘര്ഷത്തില് പരിക്കേറ്റ ദലിത് യുവാവ് മരിച്ചു. ദലിത് ആക്റ്റിവിസ്റ്റായ ജസ്വന്ത് ബോബി(19) ആണ് മരിച്ചത്. പരിക്കേറ്റ് ലുധിയാനയിലെ ആശുപത്രിയില് ചികിത്സയിലായിരുന്ന ജസ്വന്ത് ഞായറാഴ്ച രാത്രിയാണ് മരണപ്പെട്ടത്. സംഭവത്തെ തുടര്ന്ന് പ്രദേശത്ത് പഞ്ചാബ് പൊലീസ് ജാഗ്രത നിര്ദേശം പുറപ്പെടുവിച്ചു. സംഘര്ഷ സാധ്യതയുള്ള പ്രദേശങ്ങളില് റാപിഡ് ആക്ഷന് ഫോഴ്സ്, കലാപം തടയുന്നതിനുള്ള പ്രത്യേക സേന, ബി.എസ്.എഫ്, പ്രത്യേക വനിതാ പൊലീസ് സേന എന്നിവരെ വിന്യസിച്ചിട്ടുണ്ട്.
പോസ്റ്റ്മോര്ട്ടത്തിനുശേഷം ബോബിയുടെ മൃതദേഹം ഫഗ്വാരയില് എത്തിച്ചു. സംസ്കാര ചടങ്ങുകള് സമാധാനപൂര്വ്വം നടത്തുന്നതിന് കനത്ത പൊലീസ് സന്നാഹമാണ് സ്ഥലത്ത് ഒരുക്കിയിരിക്കുന്നത്.
ഏപ്രില് 13 നാണ് ബി.ആര് അംബേദ്കറിന്റെ ചിത്രമുള്ള ബോര്ഡ് ഗോള് ചൗകില് വെച്ചതിനെ തുടര്ന്ന് ഫഗ്വാരയില് ദലിത് പ്രവര്ത്തകരും വലതുപക്ഷ സംഘടനാ പ്രവര്ത്തകരും തമ്മില് സംഘര്ഷമുണ്ടായത്. സംഘര്ഷത്തില് ബോബി ഉള്പ്പെടെ ഏഴുപേര്ക്ക് പരിക്കേറ്റിരുന്നു.
https://www.facebook.com/Malayalivartha
