ഉത്തരാഖണ്ഡ്​ ഹൈക്കോടതി ചീഫ്​ ജസ്​റ്റിസ് കെ.​എം. ജോ​സ​ഫി​ന്‍റെ നി​യ​മ​ന​കാ​ര്യ​ത്തി​ൽ തീ​രു​മാ​ന​മാ​കാ​തെ കൊ​ളീ​ജി​യം പി​രി​ഞ്ഞു. ചീ​ഫ് ജ​സ്റ്റീ​സ് ദീ​പ​ക് മി​ശ്ര​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന കൊ​ളീ​ജി​യം ഒ​രു മ​ണി​ക്കൂ​റോ​ളം യോ​ഗം ചേ​ർ​ന്നെ​ങ്കി​ലും തീ​രു​മാ​ന​മെ​ടു​ക്കാ​തെ പി​രി​യു​ക​യാ​യി​രു​ന്നു.

മുതിർന്ന അഞ്ചംഗ ജഡ്​ജിമാർ അടങ്ങുന്നതാണ്​ കൊളീജിയം. നേരത്തെ കൊളീജിയം നൽകിയ കെ.എം. ജോസഫിന്‍റെ നിയമന ശുപാർശ കേന്ദ്ര സർക്കാർ തിരിച്ചയച്ചിരുന്നു. അതേസമയം, കെ.എം. ജോസഫി​നൊപ്പം ശുപാർശ ചെയ്യപ്പെട്ട ഇന്ദു മൽഹോത്ര സുപ്രീംകോടതി ജഡ്​ജിയായി സത്യപ്രതിജ്​​ഞ ചെയ്​തിരുന്നു.

കെ.​എം. ജോ​സ​ഫി​നെ സു​പ്രീം​കോ​ട​തി ജ​ഡ്ജി​യാ​യി ഉ​യ​ർ​ത്താ​നു​ള്ള ശു​പാ​ർ​ശ കേ​ന്ദ്ര സ​ർ​ക്കാ​ർ മ​ട​ക്കി​യ​തു സം​ബ​ന്ധി​ച്ച് ച​ർ​ച്ച ചെ​യ്യാ​നാ​ണ് ഇ​ന്ന് യോ​ഗം ചേ​ർ​ന്ന​ത്. കൊ​ളീ​ജി​യം ശുപാ​ർ​ശ വീ​ണ്ടും അ​യ​ക്കു​മെ​ന്നു ക​രു​തി​യി​രു​ന്നെ​ങ്കി​ലും അ​ത്ത​ര​ത്തി​ലൊ​രു നീ​ക്കം ഉ​ണ്ടാ​യി​ട്ടി​ല്ലെ​ന്നാ​ണ് പു​റ​ത്തു​വ​രു​ന്ന വി​വ​രം.

2016 ൽ ഉത്തരാഖണ്ഡ്​ സർക്കാറിനെ പിരിച്ചു വിട്ട്​ രാഷ്​ട്രപതി ഭരണം ഏർപ്പെടുത്തിയ കേന്ദ്രസർക്കാർ നടപടി റദ്ദാക്കിയത്​ ഹൈക്കോടതി ചീഫ്​ ജസ്​റ്റിസായിരുന്ന കെ.എം ജോസഫായിരുന്നു. ഈ നടപടിയാണ്​ കേന്ദ്രത്തെ ചൊടിപ്പിച്ചത്​.