കൊൽക്കത്തയിലെ ത​ദ്ദേ​ശ സ്വ​യം​ഭ​ര​ണ തെ​ര​ഞ്ഞെ​ടു​പ്പി​ൽ നാ​മ​നി​ർ​ദേ​ശ പ​ത്രി​ക പിൻവലിച്ചില്ലെന്നാരോപിച്ച് ആ​റു മാ​സം ഗ​ർ​ഭി​ണി​യാ​യ യു​വ​തി​യെ തൃ​ണ​മൂ​ൽ കോ​ൺ​ഗ്ര​സ് പ്ര​വ​ർ​ത്ത​ക​ർ കൂട്ടമാ​ന​ഭം​ഗ​ത്തി​നി​ര​യാ​ക്കിയതായി റിപ്പോർട്ടുകൾ. യുവതിയുടെ ഭ​ർ​തൃ​സ​ഹോ​ദ​രി ബി​ജെ​പി സ്ഥാ​നാ​ർ​ഥി​യാ​യി നാ​മ​നി​ർ​ദേ​ശ പ​ത്രി​ക ന​ൽ​കി​യി​രു​ന്നു. ഈ നാ​മ​നി​ർ​ദേ​ശ പ​ത്രി​ക പി​ൻ​വ​ലി​ക്കാ​ൻ കൂ​ട്ടാ​ക്ക​ത്ത​തി​നെ തു​ട​ർ​ന്നായിരുന്നു പ്ര​വ​ർ​ത്ത​കരുടെ ഹീനകൃത്യം.

ആ​റോ​ളം പേ​ർ ചേ​ർ​ന്നാ​ണ് ഇ​രു​പ​തു​കാ​രി​യാ​യ യു​വ​തി​യെ പീ​ഡി​പ്പി​ച്ച​ത്. നാ​ദി​യ ജി​ല്ല​യി​ലെ ശാ​ന്തി​പു​രി​ൽ‌ ഞാ​യ​റാ​ഴ്ച പു​ല​ർ​ച്ചെ ര​ണ്ടി​നാ​യി​രു​ന്നു സം​ഭ​വം. മൂ​ന്നു വ​യ​സു​കാ​ര​നാ​യ മ​ക​നും ഭ​ർ​തൃ​മാ​താ​വും മാ​ത്ര​മാ​ണ് അ​തി​ക്ര​മം ന​ട​ക്കു​മ്പോ​ൾ വീ​ട്ടി​ലു​ണ്ടാ​യി​രു​ന്ന​ത്.

രാ​ത്രി​യി​ൽ മു​പ്പ​തോ​ളം പേ​ർ വീ​ട്ടി​ൽ അ​തി​ക്ര​മി​ച്ചു​ക​യ​റി സാ​ധ​ന​ങ്ങ​ള്‍ വ​ലി​ച്ചു​വാ​രി​യി​ട്ടു. ഇ​തി​ൽ ആ​റോ​ളം പേ​ർ യു​വ​തി​യു​ടെ മു​റി​യി​ൽ ക​ട​ക്കു​ക​യും ഇ​വ​രെ മാ​ന​ഭം​ഗ​ത്തി​നി​ര​യാ​ക്കു​ക​യും ചെ​യ്തു. സം​ഭ​വം ന​ട​ക്കു​മ്പോ​ൾ യു​വ​തി​യു​ടെ മ​റ്റു ബ​ന്ധു​ക്ക​ൾ പു​റ​ത്താ​യി​രു​ന്നു. യു​വ​തി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച് വൈ​ദ്യ​പ​രി​ശോ​ധ​ന ന​ട​ത്തി. സം​ഭ​വു​മാ​യി ബ​ന്ധ​പ്പെ​ട്ട് ഒ​രാ​ൾ അ​റ​സ്റ്റി​ലാ​യി​ട്ടു​ണ്ട്.