കേരളത്തിൽ ആദ്യ കോവിഡ് മരണം;മരിച്ചത് ഈ മാസം ദുബായിൽ നിന്നെത്തിയ മട്ടാഞ്ചേരി സ്വദേശിയായ പ്രവാസി മലയാളി, നാട്ടിലെത്തിയത് ഈ മാസം 16ന്
അങ്ങനെ കേരളത്തിൽ ആദ്യ കോവിഡ് മരണം രേഖപ്പെടുത്തി. സംസ്ഥാനത്ത് കൊറോണ ബാധിച്ച എറണാകുളം സ്വദേശി മരിച്ചതായി റിപ്പോർട്ട്. 69ക്കാരനായ ചുള്ളിക്കല് സ്വദേശി അബ്ദുള് യാക്കൂബാണ് മരിച്ചത് എന്നാണ് ലഭ്യമാകുന്ന വിവരം. ഇന്ന് രാവിലെ എട്ടുമണിക്കായിരുന്നു മരണം രേഖപ്പെടുത്തിയത്. അതോടൊപ്പം തന്നെ ദുബായില് നിന്ന് എത്തിയ ഇയാളെ ന്യൂമോണിയ ലക്ഷണങ്ങളോടെ മാര്ച്ച് 22നാണ് എറണാകുളം കളമശേരി മെഡിക്കല് കോളേജ് ആശുപത്രിയില് പ്രവേശിപ്പിച്ചത്. കടുത്ത ഹൃദ്രോഗത്തിനും ഉയര്ന്ന രക്തസമ്മര്ദ്ദത്തിനും ചികിത്സയിലായിരുന്നു ഇദ്ദേഹം. അതേസമയം നേരത്തെ െൈബപ്പാസ് സര്ജറിക്ക് വിധേയനായിരുന്നു.
ദുബായിൽ നിന്ന് മാർച്ച് 16ന് ഇദ്ദേഹം കടുത്ത ന്യുമോണിയയുമായാണ് ആശുപത്രിയിലെത്തിയത്. വീട്ടിൽ ഐസലേഷനിൽ കഴിയവെ രോഗം സ്ഥിരീകരിച്ചതിനെ തുടർന്ന് 22ന് കളമശേരി മെഡിക്കൽ കോളജിൽ പ്രവേശിപ്പിക്കുകയുണ്ടായി. അങ്ങനെ കടുത്ത ഹൃദ്രോഗത്തിനും രക്തസമ്മർദത്തിനും ചികിത്സയിലായിരുന്ന ഇദ്ദേഹം ബൈപ്പാസ് ശസ്ത്രക്രിയയ്ക്കും വിധേയനായിരുന്നു. മൃതദേഹം ബന്ധുക്കൾക്ക് കൈമാറുകയിണ്ടായി.
ഇദ്ദേഹത്തിന്റെ ഭാര്യയും രോഗബാധിതയാണ് എന്നാണ് റിപ്പോർട്ട്. എന്നാൽ ഇവര് ദുബായില് നിന്ന് എത്തിയ വിമാനത്തിലെ 40 പേരും ഇപ്പോൾ നിരീക്ഷണത്തിലാണ്. ഒപ്പം അടുത്ത ബന്ധുവിനും നെടുമ്പാശേരിയിൽ നിന്ന് കൊണ്ടുവന്ന ഡ്രൈവർക്കും കോവിഡ് സ്ഥിരീകരിച്ചിട്ടുണ്ട്. നിലവിൽ കോവിഡ് രോഗം ബാധിച്ച് കളമശേരി മെഡിക്കൽ കോളജിൽ ചികിത്സയിലുള്ളത് 14 പേരാണ് എന്നാണ് കണക്കുകൾ ലഭ്യമാകുന്നത്. ഇതിൽ 5 പേർ ബ്രിട്ടീഷ് പൗരന്മാരും, ആറു പേര് എറണാകുളം സ്വദേശികളും, 2 കണ്ണൂർ സ്വദേശികളും, ഒരാൾ മലപ്പുറം സ്വദേശിയുമാണ് എന്നാണ് കണക്ക്.
https://www.facebook.com/Malayalivartha