പുനത്തില് ഇസ്മായില് നെഞ്ചത്തു കൈവച്ച് പറഞ്ഞു ' ആള് കള്ളനാണെങ്കിലും മാന്യനാ...!'
കണ്ണൂര് ചൊക്ലി സ്വദേശി പുനത്തില് ഇസ്മായില് കഴിഞ്ഞ ദിവസം ബസില് യാത്ര ചെയ്യവേ സിവില് സ്റ്റേഷനും പുതിയ ബസ് സ്റ്റാന്ഡിനുമിടയില്വച്ച് പോക്കറ്റടിക്കപ്പെട്ടു.
പഴ്സിലുണ്ടായിരുന്ന 16,800 രൂപയും തിരിച്ചറിയല് കാര്ഡ്, പാന് കാര്ഡ്, ആധാര് കാര്ഡ്, രണ്ട് എടിഎം കാര്ഡുകള് എന്നിവയുമാണ് നഷ്ടപ്പെട്ടത്. അടുത്ത ദിവസം മോഷണത്തെക്കുറിച്ച് പത്രവാര്ത്തയും വന്നിരുന്നു.
എന്നാല് ഇക്കഴിഞ്ഞ ദിവസം ഇസ്മയിലിനെ തേടി തപാലില് ഒരു കവര് എത്തി. കവര് പൊട്ടിച്ചുനോക്കിയ ഇസ്മായില് നെഞ്ചത്തു കൈവച്ച് പറഞ്ഞു..'ആള് കള്ളനാണെങ്കിലും മാന്യനാ...!' ആ കവറിനകത്ത് ഇസ്മയിലിന്റെ പോക്കറ്റില്നിന്നു മോഷ്ടിക്കപ്പെട്ട വിലപ്പെട്ട രേഖകളായിരുന്നു.
പണം മാത്രമെടുത്ത ശേഷം കള്ളന് രേഖകള് തപാല്പ്പെട്ടിയിലിടുകയായിരുന്നു. ഇതു ലഭിച്ച തപാല്വകുപ്പ് ഉദ്യോഗസ്ഥര് രേഖകള് ഇസ്മയിലിന്റെ വിലാസത്തിലേക്ക് അയച്ചുനല്കുകയായിരുന്നു. പണം നഷ്ടപ്പെട്ടെങ്കിലും രേഖകള് തിരികെ കിട്ടിയതിന്റെ ആശ്വാസത്തിലാണ് ഇസ്മായില്.
https://www.facebook.com/Malayalivartha
