ജയിംസ് ബോണ്ടിനായി ഓടിയ കാര്‍ ലേലത്തില്‍ പോയത് റിക്കാര്‍ഡ് തുകയ്ക്ക്!
ജയിംസ് ബോണ്ട് പരമ്പര ചിത്രങ്ങളിലൊന്നില്‍ ഉപയോഗിച്ച കാര്‍ റിക്കാര്‍ഡ് തുകയ്ക്ക് ലേലത്തില്‍ പോയി.
1965 മോഡല്‍ ആസ്റ്റന്‍ മാര്‍ട്ടിന്‍ ഡി ബി ഫൈവ് കാറാണ് 45.37 കോടി രൂപയ്ക്ക് ലേലത്തില്‍ വിറ്റുപോയത്.
ലണ്ടനിലെ ആര്‍എം സോത്ത്ബീസ്‌ സംഘടിപ്പിച്ച ലേലത്തില്‍ വിന്റേജ് കാറുകളുടെ ലേല തുകയിലെ നിലവിലെ റിക്കാര്‍ഡാണ് തകര്‍ന്നത്.
ഏകദേശം 14.21 കോടി രൂപയാണ് ഈ കാര്‍ കൂടുതലായി സ്വന്തമാക്കിയത്.
ഇതോടെ ലേലത്തില്‍ വിറ്റുപോയ ഏറ്റവും മൂല്യമേറിയ കാര്‍ എന്ന ബഹുമതിയും ആസ്റ്റന്‍ മാര്‍ട്ടിന്റെ ഡി ബി ഫൈവിന് ലഭിച്ചു.
ബോണ്ട് ചിത്രമായ ഗോള്‍ഡ് ഫിംഗറിലും തണ്ടര്‍ബോളിന്റെ പ്രചാരണത്തിലും ഈ കാര്‍ മുഖം കാണിച്ചിരുന്നു.
സിനിമയില്‍ ഉപയോഗിക്കുമ്പോള്‍ കാറിലുണ്ടായിരുന്ന പ്രത്യേകതകളെല്ലാം പുനഃസൃഷ്ടിച്ചിട്ടുണ്ട്.
യന്ത്രത്തോക്കുകള്‍, ബുള്ളറ്റ്പ്രൂഫ് ഷീല്‍ഡ്, ട്രാക്കിംഗ് സംവിധാനം, കറങ്ങിത്തിരിയുന്ന നമ്പര്‍ പ്ലേറ്റ്, ഓയില്‍ സ്ലീക്ക് സ്‌പ്രെയര്‍, നെയില്‍ സ്‌പ്രെഡര്‍, സ്‌മോക്ക് സ്‌ക്രീന്‍ എന്നിലയെല്ലാം കാറിലുണ്ടായിരുന്നു. കാറിന്റെ പ്രത്യേകതകളെല്ലാം ലേലം നടന്ന വേദിയില്‍ പ്രദര്‍ശിപ്പിച്ചിരുന്നു. ആറ് പേരാണ് ഈ ലേലത്തില്‍ പങ്കെടുത്തത്.
https://www.facebook.com/Malayalivartha
