മലയാള സിനിമ പ്രേക്ഷകരുടെ ഇഷ്ട്ട താരദമ്ബതികളാണ് ദിലീപും കാവ്യയും. വിവാഹത്തിനു ശേഷം സിനിമയില്‍ നിന്ന് വിട്ടു നിന്ന കാവ്യാ മാധവന്‍ വളരെ ചുരുക്കമായേ പൊതു പരിപാടികളിലൊക്കെ പങ്കെടുക്കാറുള്ളൂ. അതുകൊണ്ടു തന്നെ ഇരുവരും ഒരുമിച്ചുള്ള ചിത്രങ്ങളൊക്കെ കാണുന്നത് ആരാധകര്‍ക്കും സന്തോഷമാണ്. ഇപ്പോഴിതാ ഇരുവരുടേയും ഒരു പുതിയ ചിത്രമാണ് സോഷ്യല്‍ മീഡിയയില്‍ പ്രചരിക്കുന്നത്. കേശു എന്ന ചിത്രത്തിനു വേണ്ടി തല മൊട്ടയടിച്ച ലുക്കിലാണ് ദിലീപ്. നെറ്റിയില്‍ ചന്ദനക്കുറി തൊട്ടുള്ള ഇരുവരും ഏതോ ക്ഷേത്ര ദര്‍ശനം കഴിഞ്ഞ് നില്‍ക്കുന്ന ചിത്രമാണ് വൈറലായിരിക്കുന്നത്. 2016 നവംബര്‍ 25നാണ് ഇരുവരും വിവാഹിതരായത്. 2019 ഒക്ടോബര്‍ 19ന് ഇരുവര്‍ക്കും പെണ്‍കുഞ്ഞു പിറന്നു. വിജയദശമി ദിനത്തില്‍ ജനിച്ച മകള്‍ക്ക് മഹാലക്ഷ്മി എന്നാണ് പേര് നല്‍കിയത്.