രവി ശാസ്ത്രി ഇന്ത്യന് ക്രിക്കറ്റ് ടീമിന്റെ പരിശീലക സ്ഥാനം ഒഴിയുന്നു; യുഎഇയില് നടക്കുന്ന ടി20 ലോകകപ്പോടെ ശാസ്ത്രി പരിശീലക സ്ഥാനം ഒഴിയുമെന്ന് സൂചന
രവി ശാസ്ത്രി ഇന്ത്യന് പുരുഷ ക്രിക്കറ്റ് ടീമിന്റെ പരിശീലക സ്ഥാനം ഒഴിയുന്നു. യുഎഇയില് നടക്കുന്ന ടി20 ലോകകപ്പോടെ ശാസ്ത്രി ഇന്ത്യന് പരിശീലക സ്ഥാനം ഒഴിയുമെന്നാണ് പുറത്തുവരുന്ന റിപ്പോര്ട്ടുകള്. 2021 ടി20 ലോകകപ്പ് വരെയാണ് ശാസ്ത്രിയുടെ കരാര് കാലാവധി. കാലാവധിക്ക് ശേഷം ശാസ്ത്രിയ്ക്ക് വീണ്ടും പരിശീലക സ്ഥാനത്തേക്ക് അപേക്ഷിക്കാം.
2017 ജൂലൈയിലാണ് രവി ശാസ്ത്രി ഇന്ത്യന് ടീമിന്റെ പരിശീലകനായി ചുമതലയേല്ക്കുന്നത്. 2019 ഓഗസ്റ്റില് കാലാവധി അവസാനിച്ച ശാസ്ത്രിക്ക് ബിസിസിഐ വീണ്ടും സമയം നീട്ടി നല്കുകയായിരുന്നു. മുന് ഇന്ത്യന് നായകന് കപില് ദേവ് നയിക്കുന്ന മൂന്നംഗ ക്രിക്കറ്റ് ഉപദേശക സമിതിയാണ് പരിശീലകനെ തിരഞ്ഞെടുത്തത്.
കപില് ദേവിന് പുറമെ മുന് ഇന്ത്യന് വനിതാ താരം ശാന്ത രംഗസ്വാമി, മുന് പരിശീലകന് അന്ഷുമാന് ഗെയിക്വദ് എന്നിവരാണ് ഈ സമിതിയിലുള്ളത്. രവി ശാസ്ത്രി, റോബിന് സിംഗ്, ലാല്ചന്ദ് രാജ്പുത്, മൈക്ക് ഹെസണ്, ടോം മൂഡി, ഹില് സിമ്മണ്സ് എന്നിവരാണ് സാധ്യത പട്ടികയില് ഉണ്ടായിരുന്നത്.
https://www.facebook.com/Malayalivartha
