തെലങ്കാനയ്ക്കെതിരേ മികച്ച പ്രകടനവുമായി കേരളം... ആദ്യ പകുതി പിന്നിടുമ്പോള് ഇരു ടീമുകളും ഗോള്രഹിത സമനിലയില്
04 FEBRUARY 2019 10:41 AM IST
മലയാളി വാര്ത്ത
ദക്ഷിണമേഖല യോഗ്യത റൗണ്ട് ഗ്രൂപ്പ് ബി പോരാട്ടത്തില് തെലങ്കാനയ്ക്കെതിരേ മികച്ച പ്രകടനവുമായി കേരളം. ആദ്യ പകുതി പിന്നിടുമ്പോള് ഇരു ടീമുകളും ഗോള്രഹിത സമനില പാലിക്കുകയാണ്. ആദ്യ പകുതിയില് അരഡസനോളം ഗോളവസരങ്ങള് സൃഷ്ടിക്കാന് കേരളത്തിനായെങ്കിലും ഫിനിഷിങ്ങിലെ പോരായ്മ തിരിച്ചടിയായി. വി. മിഥുന്, രാഹുല് രാജ്, സീസണ്, ജിതിന് ഗോപാലന് എന്നിവരെല്ലാം കേരളത്തിനായി ആദ്യ ഇലവനില് ഇറങ്ങിയിട്ടുണ്ട്.
സെന്ട്രല് ഡിഫന്സില് രാഹുല് വി. രാജും അലക്സ് സജിയുമാണുള്ളത്. ഇടതുവിങ് ബാക്കായി എസ്. ലിജോയും വലതുവിങ്ബാക്കായി മുഹമ്മദ് ഷെരീഫും കളിക്കുന്നു. മധ്യനിരയില് നായകന് സീസണ് പ്ലേമേക്കറാകുമ്പോള് ഹോള്ഡിങ് മിഡ്ഫീല്ഡറായി ജിപ്സനുണ്ട്.
ഇടതുവിങ്ങില് മുഹമ്മദ് സല, ജിതിന് ഗോപാലന് എന്നിവരാണുള്ളത്. ക്രിസ്റ്റി ഡേവിസ് മുഹമ്മദ് ഇനായത്ത് സഖ്യമാണ് മുന്നേറ്റത്തില്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
