ഇന്ത്യന് സൂപ്പര് ലീഗ് ഫുട്ബോളിന്റെ ആറാം സീസണിന് ഉജ്വല തുടക്കം
പാട്ടും ഡാന്സും താളക്കൊഴുപ്പ് ഏകിയപ്പോള് രസംകൊല്ലിയാകാന് മഴ എത്തിയെങ്കിലും കീഴടങ്ങാന് ആരാധകര്ക്ക് ആകുമായിരുന്നില്ല. തുലാ മഴയേക്കാള് ശക്തിയോടെ മഞ്ഞപ്പടയുടെ ആവേശം പെയ്തപ്പോള് ഇന്ത്യന് സൂപ്പര് ലീഗ് ഫുട്ബോളിന്റെ ആറാം സീസണിന് ഉജ്വല തുടക്കമായി.
നിയുക്ത ബി.സി.സി.ഐ. പ്രസിഡന്റും എ.ടി.കെ. സഹ ഉടമയുമായ സൗരവ് ഗാംഗുലി, കേരള ബ്ലാസേ്റ്റഴ്സ് സഹ ഉടമ തെന്നിന്ത്യന് താര രാജാവ് ചിരഞ്ജീവി, റിലയന്സ് ഫൗണ്ടേഷന് മേധാവി നിത അംബാനി എന്നിവര് അണിചേര്ന്നതോടെ വമ്പന് ആഘോഷമായി. ബ്ലാസ്റ്റേഴ്സിന്റെ ഭാഗ്യചിഹ്നം കുട്ടിക്കൊമ്പന് കേശുവും കളിയുടെ വീര്യം പകരാന് നിറഞ്ഞുനിന്നു.
മൈതാനത്ത് ഒരുക്കിയ താത്കാലിക വേദിയിലേക്ക് തോരാതെ പെയ്ത മഴയിലും ഐ.എസ്.എല്. ട്രോഫി ആനയിച്ചതോടെ ഉദ്ഘാടനച്ചടങ്ങ് ആരംഭിച്ചു. സൗരവ് ഗാംഗുലിയും എ.ടി.കെ. നായകന് ട്രോഫിയുടെ ഇടതും കേരളാ ബ്ലാസ്റ്റേഴ്സ് നായകന് ബര്തലോമി ഒഗ്ബാചെയും ചിരഞ്ജീവിയും വലതും അണിനിരന്നു.
കലാപ്രകടനങ്ങളുടെ തുടക്കം ബോളിവുഡ് താര സുന്ദരി ദിഷ പഠാണിയുടെ നൃത്തച്ചുവടുകളോടെ ആയിരുന്നു. വേള്ഡ് ഓഫ് ഡാന്സ് എന്ന രാജ്യാന്തര പരിപാടിയില് ചാമ്പ്യന്മാരായി ഇന്ത്യക്ക് അഭിമാനമായ ദി കിങ്സ് യുണൈറ്റഡ് എന്ന നൃത്തസംഘത്തിന്റെ അമ്പരപ്പിക്കുന്ന അതിചടുല നൃത്ത ചുവടുകള് ആരാധകക്കൂട്ടത്തെ ആവേശത്തിലാഴ്ത്തി.
തൊട്ടുപിന്നാലെ ബോളിവുഡ് മൈക്കിള് ജാക്സണ് എന്ന് വിളിക്കുന്ന ടൈഗര് ഷ്റോഫും സംഘവും വേദിയിലെത്തി. സ്റ്റണ്ടും ജിംനാസ്റ്റിക്സും അക്രോബാറ്റിക്സും സമന്വയിപ്പിച്ചുള്ള ടൈഗറിന്റെ പ്രകടനം സ്റ്റേഡിയത്തെ ഇളക്കി മറിച്ചു.
https://www.facebook.com/Malayalivartha