ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ യൂണൈറ്റഡിനു വേണ്ടി ക്രിസ്റ്റ്യാനോ റൊണാള്‍ഡോ ഇന്നിറങ്ങുന്നു. ഇന്ന് വൈകുന്നേരം 7:30ന് മാഞ്ചസ്റ്ററിലെ ഓള്‍ഡ് ട്രാഫോഡില്‍ ന്യൂകാസിലിന് എതിരെ നടക്കുന്ന മത്സരത്തിലാണ് രണ്ടാം വരവിലെ ആദ്യ മത്സരം റൊണാള്‍ഡോ കളിക്കുക.

മത്സരത്തില്‍ റൊണാള്‍ഡോ കളത്തില്‍ ഇറങ്ങുമെന്ന് പരിശീലകന്‍ ഒലെ ഗുന്നാര്‍ സോര്‍ഷ്യര്‍ പറഞ്ഞു.രണ്ട് വര്‍ഷത്തെ കരാറിലാണ് 36-ക്കാരനായ റൊണാള്‍ഡോ യുവന്റസില്‍ നിന്ന് യുണൈറ്റഡിലേക്ക് തിരിച്ചെത്തിയിരിക്കുന്നത്.


2003 മുതല്‍ ആറ് വര്‍ഷക്കാലം യുണൈറ്റഡിന് വേണ്ടി കളിച്ച താരം 118 ഗോളുകള്‍ ക്ലബ്ബിനായി നേടിയിട്ടുണ്ട്. ചാമ്ബ്യന്‍സ് ലീഗ് ഉള്‍പ്പടെ എട്ട് പ്രധാന കിരീടങ്ങളും നേടിയിട്ടുണ്ട്.പഴയ ഏഴാം നമ്ബര്‍ ജേഴ്‌സിയില്‍ തന്നെ താരം വീണ്ടും ഓള്‍ഡ് ട്രാഫോഡില്‍ ഇറങ്ങുമ്പോള്‍ ആരാധകരും ആവേശത്തിലാണ്.