ലോക ഗുസ്തി ചാമ്പ്യന്‍ഷിപ്പില്‍ ഇന്ത്യയ്ക്ക് ചരിത്ര നേട്ടം. ഇന്ത്യന്‍ താരം അന്‍ഷു മാലിക്കിന് വെള്ളി. ഇതാദ്യമായാണ് ഒരു ഇന്ത്യന്‍ വനിതാ ഗുസ്തി താരം ലോക ചാമ്പ്യന്‍ഷിപ്പില്‍ വെള്ളി നേടുന്നത്.

അന്‍ഷു 57 കിലോഗ്രാം ഫ്രീസ്‌റ്റൈല്‍ ഫൈനലില്‍ അമേരിക്കയുടെ ഹെലെന്‍ മറൗലിസിനോട് പരാജയപ്പെടുകയായിരുന്നു.

അതേസമയം ഐപിഎല്ലിലെ നിര്‍ണായക പോരാട്ടത്തില്‍ കോല്‍ക്കത്ത നൈറ്റ് റൈഡേഴ്‌സിനു മിന്നും ജയം. രാജസ്ഥാന്‍ റോയല്‍സിനെ തറപറ്റിച്ച കെകെആര്‍ 86 റണ്‍സ് ജയം സ്വന്തമാക്കി.

കോല്‍ക്കത്ത ഉയര്‍ത്തിയ 171/4 എന്ന സ്‌കോറിനെ പിന്തുടര്‍ന്ന രാജസ്ഥാന്റെ ഇന്നിംഗ്‌സ് 16.1 ഓവറില്‍ 85 റണ്‍സില്‍ അവസാനിച്ചു. രാജസ്ഥാന് എട്ട് ഓവറില്‍ 34 റണ്‍സ് എടുക്കുന്നതിനിടെ ആറ് വിക്കറ്റ് നഷ്ടപ്പെട്ടു.