ആസ്‌ട്രേലിയയിലെ വനിത ബിഗ്ബാഷ് ലീഗില്‍ ടൂര്‍ണമെന്റിലെ താരമായി ചരിത്രം രചിച്ച് ഇന്ത്യന്‍ ട്വന്റി20 നായിക ഹര്‍മന്‍പ്രീത് കൗര്‍. നേട്ടം സ്വന്തമാക്കുന്ന ആദ്യ ഇന്ത്യന്‍ കളിക്കാരിയാണ് ഹര്‍മന്‍പ്രീത്.

മെല്‍ബണ്‍ റെനഗഡ്‌സിനായി 399 റണ്‍സ് അടിച്ചുകൂട്ടുകയും 15വിക്കറ്റ് വീഴ്ത്തുകയും ചെയ്ത ഓള്‍റൗണ്ട് മികവാണ് ഇന്ത്യന്‍ താരത്തിന് തുണയായത്.

മത്സരങ്ങളിലെ സ്റ്റാന്‍ഡിങ് അമ്പയര്‍മാര്‍ വോട്ടെടുപ്പില്‍ 31 വോട്ട് നല്‍കിയാണ് ഹര്‍മന്‍പ്രീതിനെ മികച്ച താരമായി തെരഞ്ഞെടുത്ത്. പെര്‍ത്ത് സ്‌കോച്ചേഴ്‌സിന്റെ ബെത്ത് മൂണിയും സോഫി ഡിവൈനും 28 വോട്ട് വീതം നേടി തൊട്ടുപിറകിലെത്തി.