വനിതാ ടെന്നീസ് സൂപ്പര് താരം അമേരിക്കയുടെ സെറീന വില്യംസ് ഓസ്ട്രേലിയന് ഓപ്പണ് ടൂര്ണമെന്റില് നിന്ന് പിന്മാറി
വനിതാ ടെന്നീസ് സൂപ്പര് താരം അമേരിക്കയുടെ സെറീന വില്യംസ് ഓസ്ട്രേലിയന് ഓപ്പണ് ടൂര്ണമെന്റില് നിന്ന് പിന്മാറി. ആരോഗ്യ പ്രശ്നങ്ങള് മുന്നിര്ത്തിയാണ് സെറീനയുടെ പിന്മാറ്റം.
അടുത്ത വര്ഷം നടക്കുന്ന ഓസ്ട്രേലിയന് ഓപ്പണില് നിന്നും മുന് ചാമ്പ്യന് സെറീന വില്ല്യംസ് പിന്മാറി. ആരോഗ്യ പ്രശ്നങ്ങള് മുനിര്ത്തിയാണ് ടൂര്ണമെന്റില് നിന്ന് പിന്മാറുന്നതെന്ന് അമേരിക്കന് ടെന്നിസ് താരം വ്യക്തമാക്കി.
പരിക്കിനെതുടര്ന്നാണ് സെറീനയ്ക്ക് ഈ സീസണ് നഷ്ടമായത്. കണങ്കാലിനേറ്റ പരിക്കില് നിന്ന് സെറീന മോചിതയായെങ്കിലും മത്സരരംഗത്തേക്ക് മടങ്ങിവരാറായിട്ടില്ല. അതേസമയം പരിക്കില് നിന്ന് മുക്തയായ സെറീന പരിശീലനം ആരംഭിച്ചുവെന്ന് താരവുമായി ബന്ധപ്പെട്ടവര് അറിയിച്ചു.
തന്റെ ഏറ്റവും പ്രിയപ്പെട്ട നഗരങ്ങളിലൊന്നാണ് മെല്ബണെന്നും അവിടെ കളിക്കാന് അതിയായ ആഗ്രഹമുണ്ടായിരുന്നെന്നും സെറീന പറഞ്ഞു. ശാരീരിക പ്രശ്നങ്ങള് അലട്ടുന്നതിനാല് ഇത്തവണ മെല്ബണില് എത്താന് സാധിക്കാത്തതില് അതീവ വിഷമമുണ്ടെന്നും സെറീന പറഞ്ഞു.
സീസണിലെ ആദ്യ ഗ്രാന്സ്ലാമായ ഓസ്ട്രേലിയന് ഓപ്പണ് ജനുവരിയിലാണ് നടക്കുക. ലോക ഒന്നാം നന്പര് താരമായിരുന്ന സെറീന 23 തവണ ഗ്രാന്സ്ലാം കിരീടം നേടിയിട്ടുണ്ട്. ഈ വര്ഷം വിംബിള്ഡണില് പങ്കെടുത്ത ശേഷം മറ്റ് ടൂര്ണമെന്റുകളില് പങ്കെടുക്കാന് സെറീനയ്ക്ക് കഴിഞ്ഞിരുന്നില്ല.
"
https://www.facebook.com/Malayalivartha