ടെന്നീസ് താരം റാഫേല് നദാലിന് കോവിഡ് സ്ഥിരീകരിച്ചു
ടെന്നീസ് താരം റാഫേല് നദാലിന് കോവിഡ് സ്ഥിരീകരിച്ചു. അബൂദബിയില് നടന്ന മുബദാല ടെന്നീസ് ടൂര്ണമെന്റില് പങ്കെടുത്ത് സ്പെയിനില് തിരിച്ചെത്തിയതിന് പിന്നാലെയാണ് കോവിഡ് സ്ഥിരീകരിച്ചത്. പരിക്കിന്റെ പിടിയിലായിരുന്ന താരം ഇടവേളക്ക് ശേഷമാണ് ഗ്രൗണ്ടില് തിരിച്ചെത്തിയിരുന്നത്.
സുഖകരമല്ലാത്ത നിമിഷങ്ങളിലൂടെയാണ് കടന്നുപോകുന്നതെന്നും ഉടന് തിരികെയെത്തുമെന്നും 35കാരനായ താരം ട്വീറ്റ് ചെയ്തു. കുവൈത്തിലും അബൂദബിയിലുമായി നടന്ന പ്രദര്ശന മത്സരങ്ങളില് പങ്കെടുക്കുമ്ബോള് നടത്തിയ പി.സി.ആര് പരിശോധനകളില് താരം നെഗറ്റീവായിരുന്നു.
ജനുവരി 17ന് ആരംഭിക്കുന്ന ആസ്ട്രേലിയന് ഓപ്പണില് തനിക്ക് കളിക്കാനാകുമോയെന്ന കാര്യം ഇപ്പോള് ഉറപ്പ് പറയാനാകില്ലെന്നും നദാല് വ്യക്തമാക്കി.
https://www.facebook.com/Malayalivartha