സയ്യിദ് മോദി അന്താരാഷ്ട്ര ബാഡ്മിന്റണ് ചാമ്പ്യന്ഷിപ്പിന്റെ വനിതാ സിംഗിള്സില് പി.വി സിന്ധു ചാമ്പ്യന്
24 JANUARY 2022 08:48 AM IST
മലയാളി വാര്ത്ത
സയ്യിദ് മോദി അന്താരാഷ്ട്ര ബാഡ്മിന്റണ് ചാമ്പ്യന്ഷിപ്പിന്റെ വനിതാ സിംഗിള്സില് പി.വി സിന്ധു ചാമ്പ്യനായി. ഫൈനലില് ഇന്ത്യയുടെ തന്നെ മാളവിക ബന്സോദിനെ നേരിട്ടുള്ള ഗെയിമുകളില് കീഴടക്കിയാണ് രണ്ട് ഒളിമ്പിക്സ് മെഡലുകള് നേടിയിട്ടുള്ള സിന്ധുവിന്റെ പട്ടാഭിഷേകം.
2019ല് ലോക ബാഡ്മിന്റണ് ചാമ്പ്യന്ഷിപ്പില് സ്വര്ണമെഡല് നേടിയ ശേഷം ആദ്യമായാണ് സിന്ധു ഒരു ടൂര്ണമെന്റില് ചാമ്പ്യനാകുന്നത്. സയ്യിദ് മോദി ചാമ്പ്യന്ഷിപ്പില് സിന്ധുവിന്റെ രണ്ടാം സ്വര്ണ നേട്ടമാണിത്.
ലക്നൗവിലെ ബാബു ബനാറിദാസ് ഇന്ഡോര് സ്റ്റേഡിയത്തില് നടന്ന ഫൈനലില് 35 മിനിട്ടിനുള്ളില് 21-13,? 21-16ന് സിന്ധു മാളവികയുടെ വെല്ലുവിളി അവസാനിപ്പിച്ചു. മിക്സഡ് ഡബിള്സില് ഇന്ത്യയുടെ ഇഷാന് ഭട്നാകര്-തനീഷ ക്രാസ്റ്റോ സഖ്യവും ചാമ്പ്യന്മാരായി.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
