കല്ലിനുമുണ്ട് സൗന്ദര്യം
പ്രകൃതിയുടെ സൗന്ദര്യം പച്ചപ്പുകളില് മാത്രം ഒതുങ്ങുന്നതല്ല . ഓരോ കല്ലിലും പ്രകൃതി അതിന്റെ കരവിരുത് ഒളിപ്പിച്ചുവെച്ചിട്ടുണ്ട്.ഇന്ത്യയിലെ ചില സുന്ദരമായ പാറക്കൂട്ടങ്ങള് നമുക്ക് നോക്കാം .
ജടായു പാറ
കൊല്ലം ജില്ലയിലെ ചടയമംഗലത്താണ് ജഡായുപ്പാറ സ്ഥിതിചെയ്യുന്നത്. രാമായണത്തിലെ വിഖ്യാതമായ പക്ഷിരാജൻ ജഡായു രാവണന്റെ വില്ലുകൊണ്ട് വിണത് ഈ പാറയുടെ മുകളിലാണെന്നാണ് ഐതീഹ്യം.പാറയുടെ മുകളിലായി ലോകത്തിലെ ഏറ്റവും വലിയ പക്ഷിശില്പം ഉണ്ടാക്കിയിട്ടുണ്ട്. സീതയെ തട്ടിക്കൊണ്ടു പോകുമ്പോൾ തടയാൻ ചെന്ന ജടായു എന്ന പക്ഷി ശ്രേഷ്ഠൻ രാവണന്റെ ചന്ദ്രഹാസം ഏറ്റ് നിലംപതിച്ചത് ഇവിടെ ആയിരുന്നു എന്നാണ് വിശ്വാസം. ഘോരമായ ഏറ്റുമുട്ടലിൽ ജടായുവിന്റെ ചിറകു പാറയിൽ വീഴുകയും അവിടെ ഒരു കുളം രൂപം കൊള്ളുകയും cheythu. സീതയെ തിരഞ്ഞിറങ്ങിയ രാമ ലക്ഷ്മണൻമാർ പക്ഷം മുറിഞ്ഞു കിടക്കുന്ന ജടായുവിനെ കണ്ടു. ഈ സമയം രാമൻ ഈ കുളത്തിൽ നിന്നും വെള്ളം കോരി ജടായുവിന് നല്കിയത്രെ.ഇന്നും ആ കുളത്തിലെ വെള്ളം വറ്റാറില്ല എന്ന് പരിസരവാസികൾ സാക്ഷ്യപ്പെടുത്തുന്നു. രാമ പദത്തിന്റെ രൂപവും ജടായു പാറയിൽ ഉണ്ട്
രാമക്കൽ മേട്
ഇടുക്കി ജില്ലയിലെ നെടുംകണ്ടത്താണ് രാമക്കൽമേട്. രാമക്കല്മേടിന്റെ നിറുകയിലെ പാറക്കെട്ടില് ഇരുന്നാല് കടൽ, കാറ്റായി വരും.ഏഷ്യയില് താരമ്യേന ഏറ്റവും കൂടുതല് കാറ്റ് ലഭിക്കുന്ന പ്രദേശങ്ങളില് ഒന്നാണിത്.
കെമ്മനഗുഡിയിലെ ശിലാപാളികള്
സഞ്ചാരികളെ അത്ഭുതപ്പെടുത്തുന്ന ഒന്നാണ് കെമ്മനഗുഡിയിലെ ശിലപാളികള്. കര്ണാടകയിലെ ചിക്കമഗളൂരിനടുത്താണ് കെമ്മനഗുഡി സ്ഥിതി ചെയ്യുന്നത്.
ഗരുഡന് പാറയും പത്മാക്ഷി ഗുട്ടയും
ആന്ധ്രാപ്രദേശിലെ തിരുമലയിലാണ് ഗരുഡൻ പാറ ഉള്ളത്. ഗരുഡൻ പറന്നിറങ്ങിയതുപോലെയാണ് ഈ പാറ. ആന്ധ്രാപ്രദേശിലെ വാറംഗല് ജില്ലയിലെ ഹനുമാന്കോണ്ടയ്ക്ക് അടുത്താണ് പത്മാക്ഷി ഗുട്ട.
ഫേസ് റോക്ക്
ഹൈദരബാദിന് അടുത്തുള്ള ഗോല്കോണ്ടയിലാണ് ഇത്തരം പാറകൾ ഉള്ളത്. ഡെക്കാന് പീഠഭൂമിയുടെ സവിശേഷതയാണ് പാറക്കൂട്ടങ്ങള്.
ബദാമി ഗുഹാ ക്ഷേത്രങ്ങള്
ചുവപ്പു നിറമുള്ള, ഭീമാകാരനായ ഒരു മലയുടെ പല തട്ടുകളിൽ ആയാണ് ഈ ഗുഹാ ക്ഷേത്രങ്ങൾ സ്ഥിതി ചെയ്യുന്നത്. മലയുടെ ഏറ്റവും മുകളിലായി ഒരു കോട്ടയുടെ തകർന്ന മതിലുകൾ കാണാം. നാല് ഗുഹാക്ഷേത്രങ്ങൾ ആണ് ഈ കോംപ്ലക്സിൽ ഉള്ളത്. ആദ്യത്തേത് ശിവ ക്ഷേത്രവും , രണ്ടും മൂന്നും വിഷ്ണു ക്ഷേത്രങ്ങളും നാലാമത്തേത് ജൈന ക്ഷേത്രവും ആണ്.
ഹംബിയിലെ പാറക്കൂട്ടങ്ങള്
ആളുകളെ അതിശയിപ്പിക്കുന്ന ഒന്നാണ് കര്ണാടകയിലെ ഹമ്പിയിലെ പാറക്കൂട്ടങ്ങള്.ഋഷ്യമൂകപര്വ്വതം, ദുന്ദുഭിപര്വ്വതം,ഗന്ധമാദന പർവ്വതം ,താര, അംഗദന്, സുഗ്രീവന് എന്നീ പേരിലുള്ള പര്വ്വതങ്ങൾ,ഹനുമാന് പര്വ്വതം,എന്നിങ്ങനെ പർവതങ്ങളുടെ നിരതന്നെയുണ്ട് ഹംബിയിൽ .
ഹിമാലയന് റോക്ക്സ്
മനാലിയില് നിന്ന് ലേഹിലേക്കുള്ള യാത്രയില് സുന്ദരമായ നിരവധി പാറക്കൂട്ടങ്ങള് കാണാം. ഇവിടുത്തെ പ്രശസ്തമായ കൊട്ടാരങ്ങളും ബുദ്ധവിഹാരങ്ങളുമൊക്കെ നിര്മ്മിച്ചിരിക്കുന്നത് ഇത്തരം പാറക്കൂട്ടങ്ങളുടെ മുകളിലാണ്.
ഫാന്റം റോക്ക്
വയനാട്ടിലാണ് പ്രശസ്തമായ ഫാന്റം റോക്ക് സ്ഥിതി ചെയ്യുന്നത്. തലയോട്ടിയുടെ ആകൃതിയിലുള്ള പാറക്കൂട്ടമാണിത്. ചിങ്കേരി മല എന്നും പ്രദേശവാസികള് ഫാന്റം റോക്കിനെ വിളിക്കാറുണ്ട്. ട്രക്കിംഗിനും ക്യാംപിങിനും ഏറെ അനുയോജ്യമായ ഒരിടമാണിത്. കല്പ്പറ്റയും സുല്ത്താന് ബത്തേരിയുമാണ് ഫാന്റം റോക്കിന് സമീപമുള്ള രണ്ട് പ്രധാന നഗരങ്ങള്. കല്പ്പറ്റയിലേക്ക് 25ഉം സുല്ത്താന് ബത്തേരിയിലേക്ക് 10 കിലോമീറ്ററും ദൂരമാണുള്ളത്
പില്ലര് റോക്ക്
തൂണ് പോലെ ഉയര്ന്ന് നില്ക്കുന്ന ഈ പാറക്കൂട്ടങ്ങള് കാണാന്. കൊടൈക്കനാലില് പോയാല് മതി. മലഞ്ചെരിവിൽ ഉയർന്ന് നില്ക്കുന്ന മൂന്നു പാറകളുടെ കൂട്ടത്തെയാണ് പില്ലർ റോക്ക് എന്ന് വിളിക്കുന്നത്.
https://www.facebook.com/Malayalivartha