ഗോവയുടെ സൗന്ദര്യം കാണണമെങ്കിൽ ബട്ടര്‍ ഫ്ലൈ ദ്വീപിൽ പോകണം.
ഗോവയിലെ പാലോലെം ബീച്ചിന് സമീപത്തായി സ്ഥിതി ചെയ്യുന്ന ഒരു കുഞ്ഞു ദ്വീപായ ബട്ടര്‍ ഫ്ലൈ ദ്വീപ് രഹസ്യ ബീച്ച് എന്നാണ് അറിയപ്പെടുന്നത്.

ഇവിടെ എത്തിച്ചേരാന്‍ റോഡുകളൊന്നും ഇല്ലാത്തതിനാല്‍ അ‌ധികം സഞ്ചാരികളൊന്നും ഇവിടെ എത്താറില്ല
ഈ ദ്വീപിൽ നിറയെ പൂമ്പാറ്റകളാണ്. പലനിറത്തിലുള്ള വലുതും ചെറുതുമായ പൂമ്പാറ്റകൾ. മാത്രമല്ല, ഇവിടുത്തെ സൂര്യസ്തമയ കാഴ്ചയ്‌ക്ക് പ്രത്യേക ഭംഗിയാണ്.
ഗോവയിലെ മറ്റു ബീച്ചുകളില്‍ നിന്നും വ്യത്യസ്തമാണ് ഈ ബീച്ച്. മറ്റു ബീച്ചുകളുടെ അത്ര ഗ്ലാമറോ തിരക്കോ ഒന്നും ഈ ബീച്ചില്‍ കാണാന്‍ കഴിയില്ല.

ഈ ഏകാന്ത ബീച്ച് സൗത്ത് ഗോവയിലാണ് സ്ഥിതി ചെയ്യുന്നത്. പാലോലം ബീച്ചില്‍ നിന്ന് ബോട്ടില്‍ ആണ് ആളുകള്‍ ഈ ബീച്ചിലേക്ക് എത്തിച്ചേരുന്നത്. ഇവിടെക്കുള്ള ബോട്ട് യാത്രയില്‍ ഭാഗ്യമുണ്ടെങ്കില്‍ നിങ്ങള്‍ക്ക് ഡോള്‍ഫിനുകളെ കാണാം. ബോട്ട് യാത്രയ്ക്ക് ഏകദേശം 1300 രൂപയാകും. 1300 രൂപയ്ക്ക് ബട്ടര്‍ഫ്ലൈ ബീച്ച്, ഹണിമൂണ്‍ ദ്വീപ്, എന്നീ സ്ഥല‌ങ്ങള്‍ സന്ദര്‍ശിക്കാം. ഒരു മണിക്കൂര്‍ സമയമാണ് ബോട്ട് ട്രിപ്പ്.

ബീച്ചി‌ന് പിന്നിലായി ജൈവ വൈവിധ്യങ്ങള്‍ നിറഞ്ഞ ഒരു മൊട്ടക്കുന്നാണ്.

പാലോലം, മാര്‍ഗോവ, കണകോണ തുടങ്ങിയ റെയില്‍വെ സ്റ്റേഷനുകളില്‍ നിന്ന് ഇവിടെ എളു‌പ്പത്തില്‍ എത്തി‌ച്ചേരാം