ചന്ദ്രനില് പേര് എത്തിക്കാൻ വെറും 500 രൂപ
കുഞ്ഞുനാളിൽ അമ്പിളിമാമനെ പിടിച്ചുതരാമെന്ന അമ്മയുടെ മോഹന വാഗ്ദാനത്തിൽ കുടുങ്ങാത്തവരുണ്ടോ? ഇനി വലുതായി സ്വന്തമായി ചന്ദ്രനിൽ പോയി വരാമെന്നു വെച്ചാൽ അത് അത്രപെട്ടെന്ന് നടക്കുന്ന കാര്യവുമല്ല. ചെലവ് തന്നെ പ്രധാന പ്രശ്നം. എന്നാൽ ഇതിനൊരു പോംവഴിയാണ് ടീം ഇന്ഡസ് എന്ന കമ്പനി വാഗ്ദാനം നല്കുന്നത്.
വെറും 500 രൂപ മുടക്കിയാല് നിങ്ങളുടെ പേര് ചന്ദ്രനിലെത്തിക്കും ടീം ഇന്ഡസ്. 500 രൂപ നൽകുന്നവരുടെ പേര് അലുമിനിയം ഫലകത്തിൽ കൊത്തി ചന്ദ്രനിൽ എത്തിക്കും.കമ്പനിയുടെ ചാന്ദ്ര പര്യവേഷണത്തിന് ജനങ്ങളില് നിന്നും ഫണ്ട് സ്വരൂപിക്കുന്നതിനാണ് ഇത്. 14 ലക്ഷം പേരില് നിന്ന് 70 കോടി രൂപ സമാഹരിക്കുക എന്നതാണ് കമ്പനി ലക്ഷ്യം .അടുത്ത മാസം ആദ്യം മുതൽ താല്പര്യമുള്ളവർക്ക് 500 രൂപ കൊടുത്ത് പേര് രജിസ്റ്റർ ചെയ്യാം
2018 ജനുവരി 26നാണ് ടീം ഇന്ഡസ് പര്യവേഷക പേടകത്തെ ചന്ദ്രനിലേക്ക് വിടുന്നത്.വിജയകരമായി പൂര്ത്തിയാക്കിയാല് ചാന്ദ്ര പര്യവേഷണം പൂര്ത്തിയാക്കുന്ന ലോകത്തിലെ ആദ്യ സ്വകാര്യ സ്ഥാപനം ടീം ഇന്ഡസ് ആയിരിക്കും.ഡല്ഹി ഐഐടി യില് നിന്ന് പഠിച്ചിറങ്ങിയ വിദ്യാര്ഥികളുടെ സംരംഭമാണ് ടീം ഇന്ഡസ്
https://www.facebook.com/Malayalivartha