മണാലിയിലെ തണുപ്പില് ഒരു മഞ്ഞ് വീട്
മണാലിയിലെ കാഴ്ചകള് കാണാനെത്തുന്നവര്ക്ക് ഇനി മഞ്ഞ് വീട്ടില് താമസിക്കാം. ഇതിന്റെ നിര്മ്മാണത്തിന് തടിയോ മറ്റുവസ്തുക്കളോ ഒന്നും തന്നെ ഉപയോഗിച്ചിട്ടില്ല. പ്രകൃതിദത്തമാണ് ഈ മഞ്ഞ് വീട്. ഇന്ത്യയിലെ ആദ്യത്തെ ഇഗ്ലൂ ഭവനമാണിത്. ഇന്ത്യയിലെത്തുന്ന വിനോദ സഞ്ചാരികള്ക്ക് വേറിട്ട ഒരു അനുഭവമാണ് ഇഗഌ നല്കുന്നത്.
വൈദ്യുത വിളക്കുകള്, മേശ, കസേരകള് എന്നീ സൗകര്യങ്ങളോടുകൂടിയ രണ്ട് മഞ്ഞ് വീടുകളാണ് സഞ്ചാരികള്ക്കായി ഇവിടെ ഒരുക്കിയിരിക്കുന്നത്. കൂടാതെ താമസിക്കാനെത്തുന്നവര്ക്ക് ആഹാരം, തണുപ്പിനെ അതിജീവിക്കുന്ന പ്രത്യേക വസ്ത്രങ്ങള്, സ്കീയിങ് കിറ്റ് എന്നിവയും നല്കുന്നുണ്ട്. സന്ദര്ശകര്ക്ക് സ്വന്തമായി മഞ്ഞ് വീട് നിര്മ്മിക്കാനുളള അവസരവും ഇവിടെ ഒരുക്കിയിട്ടുണ്ട്. ഇഗ്ലൂവില് താമസിക്കുന്നവര്ക്ക് പ്രകൃതിയോട് ചേര്ന്ന് നില്ക്കുന്ന അനുഭവമാണ് ലഭിക്കുന്നത്.
പ്രിനിയിലെ സേഥാന് ഗ്രാമത്തിലാണ് ഈ മഞ്ഞ് വീട്(ഇഗ്ളൂ) സ്ഥിതി ചെയ്യുന്നത്. വിദേശരാജ്യങ്ങളില് നടത്തിവരുന്ന ഈ ആശയം ഇന്ത്യയിലെത്തിച്ചത് പ്രദേശവാസികളായ താഷിയും വികാസ് കുമാറും ചേര്ന്നാണ്. കാലാവസ്ഥ അനുകൂലമായപ്പോഴാണ് വര്ഷങ്ങളായി മനസില് കൊണ്ടുനടന്ന ആശയം പ്രാവര്ത്തികമാക്കാന് അവര്ക്ക് കഴിഞ്ഞത്. രണ്ട് ഇഗഌകളാണ് പരീക്ഷണാടിസ്ഥാനത്തില് നിര്മിച്ചത്. സന്ദര്ശകരില് നിന്ന് മികച്ച പ്രതികരണമാണ് ലഭിച്ചിരിക്കുന്നത്. അതിനാല് വിനോദസഞ്ചാര വകുപ്പിന്റെ അനുമതിയോടെ കൂടുതല് ഇഗ്ലൂ നിര്മ്മിക്കും.
https://www.facebook.com/Malayalivartha