അടുത്ത കാലത്തായി ഇന്ത്യയുടെ സഞ്ചാര ഭൂപടത്തിൽ ഇടം പിടിച്ച, മുൻപ് അത്രയൊന്നും അറിയപ്പെടാത്ത ഒരു സ്ഥലമാണ് രോഹ്രു . ഏറ്റവും മേന്മയേറിയ ആപ്പിളുകള്‍ വിളയുന്ന സ്ഥലങ്ങളിലൊന്നായ ഷിംല ജില്ലയിലെ ഈ കൊച്ചു ഗ്രാമത്തെ രാജ ബജ്രംഗ് ഭാദുര്‍ സിങാണ് ഒരു പട്ടണമാക്കി വികസിപ്പിച്ചത്. മീന്‍പിടുത്ത വിനോദത്തില്‍ താല്‍പര്യമുള്ള സഞ്ചാരികൾ ക്കായി ട്രൗട്ട് മത്സ്യങ്ങള്‍ ഏറെയുള്ള സ്ഥലങ്ങളും ഇവിടെയുണ്ട്.

ഹിമാചല്‍ പ്രദേശിന്റെ പ്രത്യേകതയാണ് ആപ്പിള്‍ത്തോട്ടങ്ങളും കുങ്കുമപ്പാടങ്ങളും ഇവകാണാനായി മാത്രം ഇവിടെയെത്തുന്ന സഞ്ചാരികള്‍ ഏറെയാണ്. റിച്ച് റെഡ്, റോയല്‍ ഡെലീഷ്യസ് എന്നീ രുചിയേറിയ ഇനം ആപ്പിളുകളാണ് ഇവിടെ പ്രധാനമായും കൃഷിചെയ്യുന്നത്.

ഷിംലയില്‍ സഞ്ചാരികള്‍ ഏറെയെത്തുന്ന സ്ഥലമായ രോഹ്രുവില്‍ ട്രക്കിങ്, പാരഗ്ലൈഡിങ്, ഹാങ്ങ് ഗ്ലൈഡിങ് തുടങ്ങിയ സാഹസിക വിനോദങ്ങള്‍ക്കും മികച്ച സാധ്യതകളുണ്ട്.

സമുദ്രനിരപ്പില്‍ നിന്നും 1525 മീറ്റര്‍ ഉയരത്തില്‍ പബ്ബര്‍ നദിയുടെ തീരത്താണ് രോഹ്രു സ്ഥിതിചെയ്യുന്നത്. ശിക്രു ദേവത ക്ഷേത്രം, ചിര്‍ഗാവ്, ദോദ്ര, ചന്‍ഷല്‍ മലനിരകള്‍ തുടങ്ങിയ സ്ഥലങ്ങളെല്ലാം രോഹ്രുവിന് സമീപത്തുള്ള ആകര്‍ഷണകേന്ദ്രങ്ങളാണ്.

പ്രമുഖ ഹൈന്ദവ തീര്‍ത്ഥാടനകേന്ദ്രമായ ഹട്‌കോടിയെന്ന സ്ഥലവും പബ്ബര്‍ നദിയുടെ തീരത്താണ് സ്ഥിതിചെയ്യുന്നത്. മൂന്ന് ചെറുനദികള്‍ കൂടിച്ചേരുന്ന ഈ സ്ഥലത്തെ സംഗം എന്നാണ് പറയുന്നത്, ഇവിടെയാണ് തീര്‍ത്ഥാടകര്‍ക്ക്പ്രിയപ്പെട്ട സ്ഥലം. പരമശിവനും പത്‌നി പാര്‍വ്വതിയും തമ്മില്‍ ദ്വന്ദയുദ്ധം നടന്നസ്ഥലമാണിതെന്നാണ് വിശ്വാസം.

ഷിംലയില്‍ നിന്നും സുഖകരമായി എത്തിച്ചേരാവുന്ന സ്ഥലമാണിത്. ജബ്ബരാട്ടി വിമാനത്താവളമാണ് രോഹ്രുവിന് അടുത്തുള്ള എയര്‍ബേ. ഇവിടേയ്ക്ക് ദില്ലിയില്‍ നിന്നും മറ്റും വിമാനസര്‍വ്വീസുകളുണ്ട്.
തീവണ്ടിമാര്‍ഗ്ഗം യാത്രചെയ്യുകയാണെങ്കില്‍ കല്‍ക്കത്തയാണ് അടുത്തുള്ള റെയില്‍വേസ്റ്റേഷന്‍, ഇവിടേയ്ക്ക് 165 കിലോമീറ്റര്‍ ദൂരമുണ്ട്. റെയില്‍വേ സ്‌റ്റേഷനില്‍ നിന്നും ടാക്‌സികളില്‍ ലക്ഷ്യസ്ഥാനത്തേയ്ക്ക് പോകാം.

ഷിംലയില്‍ നിന്നും രോഹ്രുവിലേയ്ക്ക് ഏറെ ബസ് സര്‍വ്വീസുകളുമുണ്ട്.

ശീതകാലമൊഴിച്ചുള്ള സമയമെല്ലാം മനോഹരമായ കാലാവസ്ഥ അനുഭവപ്പെടുന്ന സ്ഥലമാണ് രോഹ്രു. വേനല്‍ക്കാലത്താണ് ഇവിടെ ഏറ്റവും നല്ല കാലാവസ്ഥ അനുഭവപ്പെടുന്നത്, ഇക്കാലത്ത് താപനില 20 ഡിഗ്രി സെല്‍ഷ്യസില്‍ കൂടാറില്ല. മഴക്കാലം ഇവിടെ അത്ര ശക്തമല്ല.

തണുപ്പുകാലത്ത് താപനില -7 ഡിഗ്രി സെല്‍ഷ്യസ് വരെ താഴാറുണ്ട്.
രോഹ്രു സന്ദര്‍ശനത്തിന് ഏറ്റവും അനുയോജ്യമായ സമയം മാര്‍ച്ച് മുതല്‍ നവംബര്‍ വരെയുള്ള കാലമാണ്.