വിമാനത്തിനുള്ളില്‍ ഫോണ്‍ ഓഫ് ചെയ്യണമെന്ന് പറയുന്നതിന്റെ കാരണങ്ങൾ
വിമാനയാത്രക്കാരോട് ഫോണ്‍ സ്വിച്ച്ഓഫ് ചെയ്യാന്‍ എയര്‍ഹോസ്റ്റസുമാര്‍ നിര്‍ദേശിയ്ക്കാറുണ്ടല്ലോ .എന്താണ് ഇതിനുപിന്നിൽ കാരണമെന്ന് ആലോചിച്ചിട്ടുണ്ടോ?
ഫെഡറല്‍ ഏവിയേഷന്‍ അഡ്മിനിസ്‌ട്രേഷന്‍ ഇതേക്കുറിച്ച് പറയുന്നതു തികച്ചും ടെക്‌നിക്കലായ കാരണങ്ങള്‍ ആണ്. ഫോൺ പോലുള്ള എല്ലാ ഇലക്ട്രോണിക് ഉപകരണങ്ങളും റേഡിയോ തരംഗങ്ങള്‍ പുറപ്പെടുവിയ്ക്കുന്നുണ്ട്. വിമാനത്തിൽ പൈലറ്റും കണ്‍ട്രോള്‍ യൂണിറ്റുമായുള്ള ബന്ധം എയര്‍ ട്രാഫിക് കണ്‍ട്രോള്‍ തരംഗങ്ങള്‍ മുഖേനയാണ് നടക്കുന്നത്. ഫോൺ പ്രവർത്തിക്കുമ്പോൾ ഈ എയര്‍ ട്രാഫിക് കണ്‍ട്രോള്‍ തരംഗങ്ങള്‍ തടസപെടാൻ സാധ്യതയുണ്ട്. എയര്‍ ട്രാഫിക് കണ്‍ട്രോള്‍ തരംഗങ്ങള്‍ തടസപ്പെടും..
വിമാനത്തിനുള്ളിലെ റേഡിയോ സംവിധാനത്തേയും ഇത്തരം വികിരണങ്ങള്‍ തടസപ്പെടുത്തും. ഇത് വിമാനത്തിന്റെ സുഗമമായ പ്രവര്‍ത്തനത്തിന് തടസം വരുത്തുകയും ചെയ്യും.
വിമാനങ്ങളില്‍ വൈഫൈ സംവിധാനങ്ങള്‍ അനുവദിയ്ക്കാത്തതിന്റെ കാരണവും സുരക്ഷാകാരണങ്ങൾ തന്നെയാണ്.വിമാനം താഴെയിരുന്നുതന്നെ ഹാക്ക് ചെയ്ത് അപകടങ്ങള്‍ സൃഷ്ടിയ്ക്കാന്‍ വൈഫൈ സംവിധാനം കാരണമായേക്കാം . എന്നാല്‍ അടുത്ത കാലത്തായി വിമാനങ്ങളില്‍ വൈഫൈ സൗകര്യം അനുവദിച്ചു തുടങ്ങിയിട്ടുണ്ട്.
ഫോൺ ഫ്‌ളൈറ്റ് മോഡിലേയ്ക്കു മാറ്റി ഉപയോഗിയ്ക്കാന്‍ ചിലപ്പോള്‍ യാത്രക്കാരെ അനുവദിയ്ക്കാറുണ്ട്. എന്നാല്‍ സുരക്ഷ കണക്കിലെടുത്ത് ടേക്ക് ഓഫ്, ലാന്റിംഗ് സമയത്ത് ഫോണ്‍ ഉപയോഗം കര്‍ശനമായി വിലക്കാറുണ്ട്.
ടേക്ക് ഓഫ്, ലാന്റിംഗ് സമയത്താണ് വിമാനത്തിന് അപകടസാധ്യത ഏറെ. ഈ സമയത്തു സന്ദേശങ്ങളും സംവിധാനങ്ങളും കൃത്യമായി പ്രവര്‍ത്തിയ്ക്കുകയും വേണം. ഇതുകൊണ്ടുതന്നെ ഇത്തരം സന്ദര്‍ഭങ്ങളില്‍ യാതൊരു കാരണവശാലും ഫോണ്‍ ഉപയോഗിയ്ക്കരുത്.
ഫോണ്‍ ഉപയോഗിയ്ക്കരുതെന്ന വിമാനജീവനക്കാരുടെ നിര്‍ദേശങ്ങളോടു വിരോധം തോന്നാതെ ഇത് നിങ്ങളുടെ സുരക്ഷയ്ക്കു വേണ്ടിത്തന്നെയാണ് പറയുന്നതെന്ന കാര്യം കണക്കിലെടുത്തു പ്രവര്‍ത്തിയ്ക്കുക.
https://www.facebook.com/Malayalivartha
