തനിക്കായി നീക്കിവച്ചിരുന്ന ക്വാറന്റൈന് മുറിയിലെത്തിയപ്പോള് കണ്ട ഒരു കാഴ്ച കണ്ട് അമ്പരന്നു ..സന്തോഷം പങ്കുവച്ച് പൃഥ്വിരാജ്
നടന് പൃഥ്വിരാജും സംവിധായകന് ബ്ലെസിയുമടങ്ങുന്ന ആടുജീവിതം ചിത്രത്തിന്റെ 58 അംഗ സംഘം ഇന്നലെ രാവിലെയാണ് ജോര്ദ്ദാനില് നിന്ന് കൊച്ചിയില് മടങ്ങിയെത്തിയത്. കൊറോണ വ്യാപനത്തെ തുടര്ന്ന് മൂന്നുമാസത്തിനടുത്താണ് ജോര്ദ്ദാന് മരുഭൂമിയില് സംഘം അകപ്പെട്ടത്.
വന്ന ഉടൻതന്നെ സംഘം നേരെ പോയത് ക്വാറന്റൈനില് കഴിയാനാണ് .. ചിത്രീകരണത്തിനിടെ കൈക്ക് പരുക്കേറ്റ ബ്ലെസി തിരുവല്ലയിലെ വീട്ടില് ക്വാറന്റൈനില് കഴിയുമ്പോള് പൃഥ്വിരാജ് ഫോര്ട്ട് കൊച്ചിയിലെ ഒരു ഹോട്ടലില് ഏര്പ്പെടുത്തിയ പെയ്ഡ് ക്വാറന്റൈന് സൗകര്യത്തിലാണു കഴിയുന്നത്. തനിക്കായി നീക്കിവച്ചിരുന്ന മുറിയിലെത്തിയപ്പോള് കണ്ട ഒരു സന്തോഷകരമായ കാഴ്ച ഇന്സ്റ്റഗ്രാമിലൂടെ പങ്കുവച്ചിരിക്കുകയാണ് അദ്ദേഹം.
മെലിഞ്ഞ് എല്ലും തോലുമായാണ് പൃഥ്വിരാജ് തിരിച്ചെത്തിയിരിക്കുന്നത് ..ആടുജീവിതത്തിൽ നജീബിന് വേണ്ടി ശരീരമൊരുക്കിയിരിക്കുകയാണ് അദ്ദേഹം..ഇതിനായി മുപ്പത് കിലോയോളം ഭാരം കുറച്ചിരുന്നു ..ശരീരഭംഗി തിരികെ നേടിയെടുക്കണമെന്ന് അതിയായ ആഗ്രഹമുള്ളപ്പോഴാണ് ക്വാറന്റൈന് മുറിയില് എത്തിയതെന്നും അവിടെ തന്നെ കാത്ത് ഒരു മിനി ജിം ഒരുക്കിയിരുന്നുവെന്നും പൃഥ്വി പറയുന്നു.
അതിനു പിന്നില് പ്രവര്ത്തിച്ചവരുടെ പേരെടുത്തു പറഞ്ഞ് നന്ദി അറിയിച്ചിട്ടുമുണ്ട് അദ്ദേഹം. ഡംബല്സ് ഉള്പ്പെടെയുള്ള വ്യായാമോപകരണങ്ങളുടെ ചിത്രം പങ്കുവച്ചിട്ടുമുണ്ട് പൃഥ്വിരാജ്.
https://www.facebook.com/Malayalivartha
