പത്മപ്രിയയുടെ ആരോപണം അടിസ്ഥാന രഹിതമാണെന്ന് ഇടവേള ബാബു
താരസംഘടന അമ്മയുടെ നിയുക്ത പ്രസിഡണ്ട് മോഹന്ലാല് പത്രസമ്മേളനം വിളിച്ചു നടിമാര് രാജിവച്ചതിനെ പരോക്ഷമായി വിമര്ശിച്ചത് വലിയ വിവാദമായിരുന്നു. റിമ കല്ലിങ്കല്, ഗീതു മോഹന്ദാസ് എന്നിവരുടെ രാജിക്കത്ത് അമ്മക്ക് ലഭിച്ചിട്ടില്ലെന്നും അദ്ദേഹം വ്യക്തമാക്കി. ഇതിനെതിരെ നടി പത്മപ്രിയ രംഗത്ത് വന്നിരുന്നു. അമ്മയുടെ ജനറല് ബോഡി യോഗത്തില് തിരഞ്ഞെടുപ്പില് മത്സരിക്കാനുള്ള താല്പര്യം പാര്വതി അറിയിച്ചിരുന്നു. എന്നാല് നടിയെ ഇടവേള ബാബു പിന്തരിപ്പുച്ചുവെന്ന വാര്ത്ത ചര്ച്ചയായിരുന്നു.
അമ്മയിലെ തെരഞ്ഞെടുപ്പില് മത്സരിക്കാന് ശ്രമിച്ച നടി പാര്വതിയെ താന് പിന്തിരിപ്പിച്ചുവെന്ന ആരോപണത്തിനെതിരെയാണ് ഇടവേള ബാബു രംഗത്തെത്തിയത്. അമ്മയില് ജനാധിപത്യം ഇല്ലെന്നും ഭാരവാഹികളെ മുന്കൂട്ടി നിശ്ചയിച്ചതിന് ശേഷമാണ് ജനറല് ബോഡി ചേരുന്നതെന്നും ഒരു സ്വകാര്യ ചാനലിനോട് പത്മപ്രിയ പറഞ്ഞിരുന്നു. റിമ കല്ലിങ്കല്, ഗീതു മോഹന്ദാസ്, രമ്യ നമ്ബീശന്, ഭാവന എന്നിവര് രാജിക്കത്ത് നല്കിയിട്ടുണ്ടെന്നും എന്നാല് രാജിക്കത്ത് കിട്ടിയിട്ടില്ലെന്ന് മോഹന്ലാല് പറയുന്നത് എന്ത് കൊണ്ടാണെന്ന് അറിയില്ലെന്നും പത്മപ്രിയ വ്യക്തമാക്കിയിരുന്നു.
ഇടവേള ബാബുവിന്റെ വാക്കുകള്......
അമ്മ തിരഞ്ഞെടുപ്പില് മല്സരിക്കാന് തുനിഞ്ഞ പാര്വതിയെ താന് പിന്തിരിപ്പിച്ചുവെന്ന ആരോപണം അടിസ്ഥാന രഹിതമാണെന്ന് അമ്മ ജനറല് സെക്രട്ടറി ഇടവേള ബാബു. പാര്വതിയെ പാനലില് ഉള്പ്പെടുത്തി ഭാരവാഹിയാക്കാനാണു താന് ശ്രമിച്ചതെന്നും ഡബ്ല്യുസിസി കൂട്ടായ്മയിലെ മറ്റൊരു പ്രമുഖ നടിയെ വൈസ് പ്രസിഡന്റ് സ്ഥാനത്തെത്തിക്കാന് ശ്രമിച്ചെന്നും ബാബു പറഞ്ഞു.
പാര്വതിയെ മാത്രമല്ല, ആരെയും പിന്തിപ്പിക്കാന് ശ്രമിച്ചിട്ടില്ല. ആര്ക്കു വേണമെങ്കിലും അമ്മ ഓഫിസില്നിന്ന് നാമനിര്ദേശ പത്രിക ലഭിക്കുമായിരുന്നു. പാനലിനു പുറത്തുനിന്ന് ഉണ്ണി ശിവപാല് ഇങ്ങനെ പത്രിക നല്കിയിരുന്നു. നിര്വാഹക സമിതിയില് ഉള്പ്പെടുത്താനായി അമ്മ ഷോയ്ക്കിടെ പാര്വതിയോടു താന് സംസാരിച്ചിരുന്നു.
തിരഞ്ഞെടുപ്പ് സമയത്ത് വിദേശത്തായിരിക്കുമെന്നായിരുന്നു മറുപടി.ഡബ്ല്യുസിസി കൂട്ടായ്മയിലെ പ്രമുഖ നടിയോടു വൈസ് പ്രസിഡന്റാവണമെന്നു പറഞ്ഞപ്പോള് എല്ലാ പിന്തുണയുമുണ്ടാവുമെന്നും ഭാരവാഹിത്വത്തിലേക്ക് ഇല്ലെന്നും പറഞ്ഞ് ഒഴിഞ്ഞുമാറുകയായിരുന്നു ബാബു പറഞ്ഞു.
https://www.facebook.com/Malayalivartha