എയർപോർട്ടുകളിൽ ബാഗ് മാറിപ്പോകാതിരിക്കാനായി നമ്മൾ എവിടെ നിന്ന് എവിടേക്കാണ് പോകുന്നതെന്ന വിവരം ബാഗുകളിൽ ഒട്ടിച്ചു വയ്ക്കാറുണ്ട്. എന്നാൽ ആസ്​ട്രേലിയയിലെ ബ്രസ്​ബെയ്​ന്‍ വിമാനത്താവളത്തില്‍ എത്തിയ ഒരു ഇൻഡ്യക്കാരിയുടെ ബാഗ്​ സൃഷ്​ടിച്ച പ്രശ്​നങ്ങള്‍ കേട്ടാൽ ചിരിച്ചു പോകും.

വിമാനത്താവളത്തിൽ എത്തിയ ബാഗിൽ 'ബോംബ്​ ടു ബ്രിസ്​ബെയ്​ന്‍' എന്ന്​ എഴുതി ഒട്ടിച്ചതു സുരക്ഷാ ഉദ്യോഗസ്ഥരുടെ കണ്ണില്‍ പെട്ടതോടെ​ വിമാനത്താവളത്തില്‍ നിന്നും യാത്രക്കാരെ പൂര്‍ണമായി ഒഴിപ്പിക്കുക വരെ ചെയ്​തു. ശേഷം ആസ്​ട്രേലിയന്‍ ഫെഡറല്‍ പൊലീസ്​ ജാഗ്രത നിര്‍ദ്ദേശവും നല്‍കി. ഒടുവിൽ ബാഗ്​ പരിശോധിച്ച ശേഷമാണ്​ അതൊരു അക്ഷരതെറ്റു മൂലമുണ്ടായ 'ബോംബാ' ണെന്ന്​ തിരിച്ചറിഞ്ഞത്​.

ബുധനാഴ്​ച രാവിലെ മുംബൈയില്‍ നിന്ന്​ ബ്രിസ്​ബെയ്​ന്‍ വിമാനത്താവളത്തിലെത്തിയ വെങ്കട ലക്ഷ്​മി എന്ന 65 കാരിയുടെ ബാഗാണ്​ ആസ്​ട്രേലിയന്‍ പൊലീസിനെ കുഴക്കിപ്പിച്ചത്​. ബാഗിനു മുകളില്‍ '​ബോംബ്​ ടു ബ്രിസ്​ബെയ്​ന്‍' എന്ന്​ ഇംഗ്ലീഷില്‍ എഴുതി ഒട്ടിച്ചിരുന്നു.

സുരക്ഷാ ഉദ്യോഗസ്ഥരുടെ ചോദ്യം ചെയ്യലില്‍ അമ്പരന്ന ​വെങ്കട ലക്ഷ്​മി ബാഗില്‍ ബോംബ്​ അല്ലെന്നും താന്‍ 'ബോംബേ ടു ബ്രിസ്​ബെയ്​ന്‍' എന്നാണ്​ എഴുതിയിരിക്കുന്നതെന്നും അറിയിച്ചു. അക്ഷര തെറ്റാണ്​ കുഴപ്പമുണ്ടാക്കിയതെന്ന്​ അറിഞ്ഞ ഉദ്യോഗസ്ഥര്‍ അവരെ തിരിച്ചു മകള്‍ക്ക്​ അരികിലെത്തിക്കുകയായിരുന്നു.

ലക്ഷ്മിയുടെ മകള്‍ ദേവി ജ്യോതി രാജ് കഴിഞ്ഞ പത്തുവര്‍ഷമായി ഓസ്ട്രേലിയയിലാണ് താമസം. പിറന്നാള്‍ മകള്‍ക്കും കൊച്ചുമക്കള്‍ക്കും ഒപ്പം ആഘോഷിക്കാനാണ് ലക്ഷ്മി ഓസ്ട്രേലിയയിലെത്തിയത്.