അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ ഉടമസ്ഥതയിലുള്ള ട്രംപ് ടവറില്‍ തീപിടിത്തത്തില്‍ ഒരാള്‍ മരിച്ചു. ആറു പേര്‍ക്ക് പൊള്ളലേറ്റു. ടവറിന്റെ അന്പതാം നിലയിലെ താമസക്കാരനായ അറുപത്തേഴുകാരനാണ് മരിച്ചതെന്നാണ് പ്രാഥമിക വിവരം.

ടവറിന്റെ അന്പതാമത്തെ നിലയില്‍ പ്രാദേശിക സമയം ശനിയാഴ്ച വൈകീട്ട് ആറു മണിയോടെയാണ് തീപിടിത്തമുണ്ടായത്. തീ നിയന്ത്രണ വിധേയമാക്കാനുള്ള ശ്രമത്തിനിടെ അഗ്‌നിശമന സേനാംഗങ്ങള്‍ക്കാണ് പരിക്കേറ്റത്. രണ്ട് മണിക്കൂറിനുള്ളില്‍ തന്നെ തീ നിയന്ത്രണവിധേയമാക്കി. തീപിടിത്തത്തിന്റെ കാരണം വ്യക്തമായിട്ടില്ല.

അഗ്‌നിബാധ നിയന്ത്രണവിധേയമാക്കിയ അഗ്‌നിശമന സേനയെ ട്രംപ് അഭിനന്ദിച്ചു.